Adani CNG Price Hike: હવે એક કિલો CNG માટે ચૂકવવા પડશે આટલા રૂપિયા!, મધ્યમ વર્ગનું બજેટ ખોરવાશે

જૂનો અને નવો ભાવ: પ્રતિ કિલો થયો ₹4નો સીધો વધારો

મળતી વિગતો અનુસાર, અદાણી સીએનજી દ્વારા ગેસના દરોમાં સીધો 4 રૂપિયાનો વધારો કરવામાં આવ્યો છે. આ નવા વધારા બાદ હવે સીએનજીનો નવો ભાવ (New Price) 94.02 રૂપિયા પર પહોંચી ગયો છે, જે પહેલાં જૂનો ભાવ (Old Price) 90.02 રૂપિયા હતો. અચાનક લેવાયેલા આ નિર્ણયથી પેટ્રોલ પંપ પર પહોંચતા વાહનચાલકોમાં ભારે આશ્ચર્ય અને આક્રોશ જોવા મળ્યો હતો.

રિક્ષાચાલકો અને દૈનિક વાહનચાલકો પર સીધી અસર

ફરી એકવાર અદાણી સીએનજીમાં ભાવ વધતા સીએનજી વાહનો (CNG Vehicles) ચલાવતા લોકો અને ઓટો રિક્ષા ચાલકો (Auto Rickshaw Drivers) માં ભારે નારાજગી વ્યાપી ગઈ છે. રિક્ષાચાલકોનું કહેવું છે કે, રોજના કમાઈને ખાતા શ્રમિક વર્ગ માટે ગેસના ભાવમાં આ પ્રકારે થતો સતત વધારો તેમના બજેટને ખોરવી નાખે છે.

મોંઘવારીના આ સમયમાં ઈંધણના ભાવ વધવાથી તેમની દૈનિક આવક પર સીધી નકારાત્મક અસર પડી રહી છે. સ્થાનિક વાહનચાલકોનું માનવું છે કે, સીએનજી ગેસને પર્યાવરણ અને ખિસ્સા બંને માટે અનુકૂળ માનવામાં આવતો હતો, પરંતુ સતત વધી રહેલા ભાવના કારણે હવે તે પણ મોંઘો સાબિત થઈ રહ્યો છે.

પરિવહન ખર્ચ વધવાની શક્યતા

આ ભાવવધારાની અસર માત્ર વ્યક્તિગત વાહનચાલકો સુધી સીમિત નહીં રહે, પરંતુ માલસામાનની હેરફેર કરતા નાના કોમર્શિયલ વાહનો પર પણ પડશે. ગેસના ભાવ વધવાથી પરિવહન ખર્ચ (Transportation Cost) વધશે, જેની સીધી અસર આડકતરી રીતે દૈનિક વપરાશની ચીજવસ્તુઓ પર પડી શકે છે.