Agniveer News: અગ્નિવીરો માટે મોટા સમાચાર, વન વિભાગની વર્ગ-3 વનરક્ષક ભરતીમાં મળશે 20 ટકા અનામત

અગ્નિવીરો (Agniveer) ની ભરતીને લઈ મહત્વના સમાચાર

પ્રાપ્ત વિગતો અનુસાર, વન વિભાગ દ્વારા જાહેરાત કરવામાં આવી છે કે વર્ગ-3ની વનરક્ષકની ભરતીમાં અગ્નિવીરો માટે સીધી 20 ટકા અનામત ફાળવવામાં આવશે. આ નિર્ણયથી સેનામાંથી સેવા આપીને પરત ફરનાર યુવાનોને સરકારી નોકરી મેળવવામાં મોટી રાહત મળશે અને તેઓ સરળતાથી વન વિભાગમાં જોડાઈ શકશે.

અગ્નિવીરો માટે 5 વર્ષની વય મર્યાદામાં પણ છૂટછાટ

આ ઉપરાંત, અગ્નિવીરો માટે વય મર્યાદામાં પણ વિશેષ છૂટછાટ આપવાની જાહેરાત કરવામાં આવી છે. વન વિભાગની આ ભરતીમાં અગ્નિવીરોને વય મર્યાદામાં પૂરા 5 વર્ષની છૂટછાટ આપવામાં આવશે, જેથી વધુને વધુ યુવાનો આ તજનો લાભ મેળવી શકે. સરકારના આ પગલાથી અગ્નિવીરોના ભવિષ્યને સુરક્ષિત કરવા અને તેમને રોજગારીની ઉત્તમ તકો પૂરી પાડવાની દિશામાં એક મોટું પગલું ભરવામાં આવ્યું છે.

આ પણ વાંચો: Ambalal Patel Weather Forecast: રાજ્યમાં ફરી પલટાશે હવામાન! બંગાળની ખાડીમાં બનનારી સિસ્ટમ લાવશે ધોધમાર વરસાદ