ડોગ સ્ક્વોડની મદદથી ડ્રગ્સની ખાતરી
તપાસ દરમિયાન કસ્ટમ્સના ડોગની મદદ લેવામાં આવી હતી. ડોગે બેગમાં ડ્રગ્સ હોવાની શંકાને વધુ મજબૂત કરી હતી. ત્યારબાદ અધિકારીઓએ બેગની ઝીણવટભરી તપાસ કરતા હેન્ડબેગમાંથી પ્લાસ્ટિકમાં પેક કરેલા કુલ 10 પેકેટ મળી આવ્યા હતા. પેકેટોમાં હાઇબ્રિડ ગાંજો હોવાની સામે આવ્યું હતું.
22 વર્ષની મ્યાનમારની યુવતીની ધરપકડ
કસ્ટમ્સ વિભાગે ડ્રગ્સની હેરાફેરીના આરોપસર 22 વર્ષીય મ્યાનમારની યુવતીની ધરપકડ કરી છે. પ્રાથમિક પૂછપરછમાં યુવતીએ માત્ર રૂ.8,500ના કમિશન માટે ગાંજાની હેરાફેરી કરી હોવાનો દાવો કર્યો હોવાનું સામે આવ્યું છે. જોકે, આ દાવો સાચો છે કે કેમ અને તેની પાછળ અન્ય કોઈ વ્યક્તિ કે નેટવર્ક છે કે નહીં તે અંગે તપાસ ચાલી રહી છે.
થાઇલેન્ડથી વિયેતનામ થઈ અમદાવાદ પહોંચી
પ્રાથમિક તપાસમાં યુવતી થાઇલેન્ડથી વિયેતનામ પહોંચી હતી અને ત્યારબાદ વિયેતનામથી અમદાવાદ આવી હોવાનું સામે આવ્યું છે. આ સમગ્ર મુસાફરી દરમિયાન ગાંજો કોની પાસેથી મેળવ્યો અને અમદાવાદમાં કોને પહોંચાડવાનો હતો તે અંગે કસ્ટમ્સ અધિકારીઓ તપાસ કરી રહ્યા છે.
આંતરરાષ્ટ્રીય ડ્રગ્સ નેટવર્કની દિશામાં તપાસ
આ કેસમાં કસ્ટમ્સ વિભાગે આંતરરાષ્ટ્રીય ડ્રગ્સ નેટવર્કની દિશામાં તપાસ તેજ કરી છે. યુવતીના મોબાઇલ ફોન, ચેટ્સ, સંપર્કો અને મુસાફરીની વિગતોની તપાસ શરૂ કરવામાં આવી છે. તપાસ એજન્સીઓ એ જાણવાનો પ્રયાસ કરી રહી છે કે આ દાણચોરી પાછળ કોઈ સંગઠિત નેટવર્ક સક્રિય છે કે કેમ.
વિયેતનામ રૂટથી દાણચોરીની આશંકા
આ ઘટનાને પગલે વિદેશથી અમદાવાદ આવતા મુસાફરોના સામાનની તપાસ વધુ સઘન બનાવવામાં આવી શકે છે. તપાસ એજન્સીઓને આશંકા છે કે ડ્રગ્સની દાણચોરી માટે વિયેતનામના રૂટનો ઉપયોગ કરવામાં આવી રહ્યો હોઈ શકે છે. રૂ.6 કરોડના ગાંજાનું અંતિમ ડિલિવરી પોઇન્ટ અને તેની પાછળ રહેલા લોકો સુધી પહોંચવા કસ્ટમ્સ તપાસ આગળ ધપાવી રહ્યું છે.
આ પણ વાંચોઃ Bharuch: ચાલુ બસમાં મહિલા સામે પેન્ટની ચેન ખોલી કરી ગંદી હરકત, મહિલાએ હોબાળો મચાવી પોલીસને હવાલે કર્યો!
