Ahmedabad : બેંગકોક ફ્લાઇટમાંથી આવેલા મુસાફર પાસેથી ઝડપાયો 10.9 કિલો હાઇડ્રોપોનિક ગાંજો, સ્નિફર ડોગે ખોલી પોલ

ટ્રોલી બેગમાંથી ઝડપાયો 10 કિલો ગાંજો

મળતી માહિતી અનુસાર બેંગકોકથી ફ્લાઇટ નંબર TG-343 મારફતે અમદાવાદ આવેલા એક શંકાસ્પદ મુસાફરને કસ્ટમ્સની ટીમે અટકાવ્યો હતો. આ મુસાફરની ચેક-ઇન ટ્રોલી બેગની સઘન તપાસ લેવામાં આવચા તેમાંથી સિલવર રંગની પોલિથિનના 5 પેકેટ મળી આવ્યા હતા. સૂત્રો પાસેથી મળતી માહિતી અનુસાર આ પેકેટોની અંદર અત્યંત ચાલાકીપૂર્વક છુપાવીને રાખવામાં આવેલો આશરે 10,911 ગ્રામ હાઇડ્રોપોનિક મેરિજુઆનાનો જથ્થો મળી આવ્યો હતો.

સ્નિફર ડોગની મદદથી પકડાયું ગાંજોનું મોટું કન્સાઇનમેન્ટ

ઉલ્લેખનીય છે કે આ સમગ્ર ઓપરેશનમાં એરપોર્ટ પર તૈનાત સ્નિફર ડોગે બેગ નજીક જતા જ નશીલા પદાર્થ હોવાનો પોઝિટિવ સંકેત આપ્યા હતા. જેના આધારે કસ્ટમ્સ અધિકારીઓએ તપાસ આગળ ધપાવી હતી.ત્યારબાદ, કસ્ટમ્સની સ્પેશિયલ ફિલ્ડ ટેસ્ટ કિટ દ્વારા સ્થળ પર જ તપાસ કરતા આ જપ્ત કરાયેલો પદાર્થ ઉચ્ચ ગુણવત્તાવાળો હાઇડ્રોપોનિક ગાંજો હોવાનું કન્ફર્મ થયું હતું.

મહત્વનું છે કે કસ્ટમ્સ વિભાગે આશરે 10.9 કિલોગ્રામ ગાંજોનો જથ્થો જપ્ત કરી, નાર્કોટિક્સ ગાંજો એન્ડ સાયકોટ્રોપિક સબસ્ટન્સ એક્ટ એટલે કે NDPS Act, 1985 હેઠળ ગુનો નોંધીને આરોપી મુસાફરની ધરપકડ કરી લીધી છે. આ આંતરરાષ્ટ્રીય સ્મગલિંગ રેકેટ પાછળ અન્ય કયા સ્થાનિક ડ્રગ પેડલર્સ સામેલ છે તેની ઊંડી તપાસ અમદાવાદ કસ્ટમ્સ દ્વારા ચલાવવામાં આવી રહી છે.

આ પણ વાંચો : પોલીસની પંચાત : દરિયાપુરના ભગી બાપુ ક્યાં કાચા પડ્યા? એક PI નો તો ભોગ લીધો બીજાનો પણ લેવાશે કે શું? વાંચો Special Story