Ahmedabad: કઠવાડા GIDC માં AMCની તવાઈ, પાન-મસાલામાં વપરાતો 450 કિલો શંકાસ્પદ ચૂનો ઝડપાયો

લાયસન્સ વિના ચાલતું યુનિટ 

તપાસ દરમિયાન સામે આવ્યું છે કે, આ યુનિટ કોઈ પણ પ્રકારના માન્ય ફૂડ લાયસન્સ (Food License) વગર ધમધમી રહ્યું હતું. આરોગ્ય વિભાગની ટીમે દરોડા દરમિયાન અંદાજે 450 કિલો જેટલો શંકાસ્પદ ચૂનો જપ્ત કર્યો છે. આ ચૂનાના પેકિંગ પર કરવામાં આવેલા માર્કિંગ પણ શંકાસ્પદ જણાઈ આવતા તંત્ર દ્વારા તેને તાત્કાલિક સીઝ કરી દેવામાં આવ્યું છે. પાન-મસાલામાં વપરાતો આ ચૂનો સ્વાસ્થ્ય માટે અત્યંત હાનિકારક હોવાની આશંકાને પગલે વિભાગ દ્વારા નમૂના લેવાની કાર્યવાહી હાથ ધરવામાં આવી છે.

Ahmedabad: AMCની આગળની કાર્યવાહી

AMCના આરોગ્ય વિભાગ દ્વારા જપ્ત કરાયેલા ચૂનાના સેમ્પલને ફૂડ લેબોરેટરીમાં તપાસ માટે મોકલી આપવામાં આવ્યા છે. લેબોરેટરીના રિપોર્ટ આવ્યા બાદ જ સ્પષ્ટ થશે કે આ ચૂનામાં કોઈ હાનિકારક રસાયણો કે અશુદ્ધિઓ ભેળવવામાં આવી હતી કે કેમ. હાલ તો આ યુનિટને સીલ કરીને સંચાલકો વિરુદ્ધ કાયદેસરની કાર્યવાહીની તજવીજ હાથ ધરાઈ છે. આ ઘટનાએ ફરી એકવાર પાન-મસાલા અને તેમાં વપરાતી સામગ્રીની ગુણવત્તા પર ગંભીર પ્રશ્નાર્થ ચિન્હો ઉભા કર્યા છે.

આ પણ વાંચો: Unsafe Car in India : ભારતમાં સૌથી ઓછી સેફ્ટી રેટિંગ ધરાવતી કારો! નવી ગાડી ખરીદતા પહેલાં આ રિપોર્ટ જરૂર વાંચો