Ahmedabad: ગોતા બ્રિજ પાસે AMTS બસે સર્જ્યો અકસ્માત, સ્કૂલ વાન સહિત 3 વાહનોને લીધા અડફેટે
- અમદાવાદ (Ahmedabad) ના ગોતા બ્રિજ પાસે AMTS બસ એ સર્જ્યો અકસ્માત
- AMTS દ્વારા સ્કૂલ વાન સહિત 3 જેટલા વાહનોને ટક્કર
- સદનસીબે ઘટનામાં મોટી જાનહાનિ ટળી
- અકસ્માતમાં 5-6 લોકો થયા ઈજાગ્રસ્ત
- બસ ચાલકને લોકોએ પોલીસ હવાલે કર્યો
Ahmedabad: અમદાવાદ (Ahmedabad) શહેરના પશ્ચિમ વિસ્તારમાં આવેલા વ્યસ્ત એવા ગોતા બ્રિજ (Gota Bridge) પાસે એક ગમખ્વાર અકસ્માતની ઘટના સામે આવી છે. પુરપાટ ઝડપે આવી રહેલી એક AMTS બસ (AMTS bus) ના ચાલકે સ્ટીયરીંગ પરથી કાબૂ ગુમાવતા રોડ પર જઈ રહેલા ત્રણ જેટલા વાહનોને જોરદાર ટક્કર મારી હતી. આ અકસ્માતમાં એક સ્કૂલ વાન પણ અડફેટે આવી જતાં અફરાતફરીનો માહોલ સર્જાયો હતો.
અમદાવાદ (Ahmedabad) ના ગોતા બ્રિજ પાસે AMTS બસે સર્જ્યો અકસ્માત
અકસ્માત એટલો ભયાનક હતો કે વાહનોનો કચ્ચરઘાણ વળી ગયો હતો. ખાસ કરીને સ્કૂલ વાન સાથે બસ અથડાતા લોકોના જીવ અધ્ધર થઈ ગયા હતા. જોકે, સદનસીબે આ દુર્ઘટનામાં કોઈ જાનહાનિ થઈ નથી, જે એક મોટી રાહતના સમાચાર છે. પ્રાથમિક અહેવાલો મુજબ, આ અકસ્માતમાં અંદાજે 5 થી 6 લોકોને નાની-મોટી ઈજાઓ પહોંચી છે.
Ahmedabad AMTS Bus Accident | તમે જ કહો કોની ભૂલ આમાં?, અકસ્માતના ભયાનક CCTV આવ્યા સામે ! | Gujarat First
અમદાવાદના ગોતા બ્રિજ પાસે અકસ્માત
AMTS બસે 3 જેટલા વાહનોને મારી ટક્કર
AMTS બસે સ્કૂલવાનને પણ મારી ટક્કર
સદનસીબે ઘટનામાં મોટી જાનહાનિ ટળી
અકસ્માતમાં 5-6 લોકો થયા… pic.twitter.com/l780TUvJ1I— Gujarat First (@GujaratFirst) January 23, 2026
બસ ચાલકને લોકોએ પોલીસ હવાલે કર્યો
અકસ્માત બાદ ઘટનાસ્થળે લોકોના ટોળેટોળા ઉમટી પડ્યા હતા. બેફામ બસ ચલાવતા ડ્રાઈવર પ્રત્યે લોકોમાં ભારે રોષ જોવા મળ્યો હતો. સ્થાનિક લોકોએ સમયસૂચકતા વાપરીને બસ ચાલકને પકડી પાડ્યો હતો અને તેને પોલીસના હવાલે કર્યો હતો.
ઘટનાની સીસીટીવી આવ્યા સામે
AMTS બસ અકસ્માતની ઘટનાની સીસીટીવી પણ સામે આવ્યા છે જેમાં જોઈ શકાય છે કે, પુરપાટ ઝડપે આવી રહેલી એક AMTS બસના ચાલકે સ્ટીયરીંગ પરથી કાબૂ ગુમાવતા રોડ પર જઈ રહેલા ત્રણ જેટલા વાહનોને જોરદાર ટક્કર મારી હતી. આ અકસ્માતમાં એક સ્કૂલ વાન પણ અડફેટે આવી જાય છે.
પોલીસે હાથ ધરી તપાસ
પોલીસે ઘટનાની તપાસ શરૂ કરી છે અને અકસ્માતના કારણોની ઊંડાણપૂર્વક તપાસ કરી રહી છે. આ અકસ્માતને કારણે ગોતા બ્રિજ વિસ્તારમાં થોડા સમય માટે ટ્રાફિક જામ થયો હતો, જે હવે સામાન્ય થઈ ગયો છે.
આ પણ વાંચો: Rajkot: સોની પરિવારે સામુહિક આપઘાતનો કર્યો પ્રયાસ! કેમ ભર્યું આવું ભયાનક પગલું?