મંત્રી Ramesh Katara ના નિવેદન બાદ રોષ, જાણો શિક્ષકોને શું પડ્યો વાંધો?

ઓનલાઇન કામગીરી અને શિક્ષકોની મજબૂરી

ગુજરાત રાજ્ય નગર પ્રાથમિક શિક્ષક સંઘ અને અમદાવાદ મ્યુનિસિપલ શિક્ષક મંડળે (Ahmedabad Municipal Teachers Association) મંત્રીના આક્ષેપોને નકારતા જણાવ્યું છે કે, શિક્ષકોને મળતો પગાર કે પગાર પંચ (Pay Commission) એ કોઈ દાન નથી, પરંતુ તેમના કામનો હક છે. સંઘે સ્પષ્ટ કર્યું છે કે, છેલ્લા પાંચ વર્ષથી શિક્ષકો પર અનેક પ્રકારની ઓનલાઇન કામગીરીનો ભાર લાદવામાં આવ્યો છે. જેમાં BLO (Booth Level Officer), SSID, વસ્તી ગણતરી (Census) અને વિદ્યાર્થીઓના માર્કસથી લઈને રિઝલ્ટ (Result) સુધીની તમામ કામગીરી ઓનલાઇન કરવાની હોય છે. મજબૂરીવશ શિક્ષકોએ સરકારની સૂચના મુજબ પોતાના પર્સનલ મોબાઈલનો ઉપયોગ સરકારી કામ માટે કરવો પડે છે.

નિવેદન પરત ખેંચવા માગ

અમદાવાદ મ્યુનિસિપલ શિક્ષક મંડળે રાજ્યમંત્રી પાસે માગણી કરી છે કે, તેઓ તાત્કાલિક પોતાનું આ નિવેદન પરત ખેંચે. શિક્ષકો સમાજ ઘડતરનું કામ કરી રહ્યા છે, ત્યારે તેમના સન્માનની રક્ષા થવી જોઈએ તેવું સંગઠને ભારપૂર્વક જણાવ્યું છે.

આ પણ વાંચોઃ Kutch: ભુજમાં એક પેડ મા કે નામ 3.0 અભિયાનનો ભવ્ય પ્રારંભ, BSF કેમ્પસ બનશે હરિયાળું