Ahmedabad Demolition News: ડિમોલિશન દરમિયાન સ્થાનિકો અને પોલીસ વચ્ચે ઝપાઝપી, કેટલાક લોકોની અટકાયત

ડિમોલિશન પહેલા પોલીસ અને સ્થાનિકો વચ્ચે ઘર્ષણ

આ ડિમોલિશન પૂર્વે સ્થાનિકો અને પોલીસ વચ્ચે ભારે ઘર્ષણ સર્જાયું હતું અને લોકોએ વિરોધ કરતા અટકાયત પણ કરવામાં આવી હતી. જોકે, સરકાર દ્વારા પાત્ર કુટુંબોને પુનર્વસન તરીકે 61 ચો.મી.ના મકાન અને જ્યાં સુધી નવું ઘર ન મળે ત્યાં સુધી દર મહિને રુ. 10,000 ભાડું આપવાની તૈયારી હોવા છતાં મકાનો ખાલી ન થતા અંતે તંત્રએ પોલીસ બંદોબસ્ત સાથે ડિમોલિશનની કડક કાર્યવાહી શરૂ કરી છે.

20 મિનિટમાં મકાન ખાલી કરવાની સૂચના

આજે સવારે પશ્ચિમ ઝોન એસ્ટેટ વિભાગ દ્વારા પોલીસ, ફાયર બ્રિગેડ અને એમ્બ્યુલન્સના કાફલા સાથે કાર્યવાહી શરૂ કરવામાં આવી હતી. 40 વર્ષ પહેલા 37 સનદધારકોને ફાળવાયેલા પ્લોટ સામે હાલમાં સર્વે મુજબ આશરે 65 કુટુંબો વસવાટ કરી રહ્યા છે. તંત્ર દ્વારા સ્થાનિકોને માત્ર 20 મિનિટમાં મકાન ખાલી કરવાની સૂચના આપવામાં આવી હતી.

સરદાર પટેલ સ્પોર્ટ એન્ક્લેવ માટે જગ્યા ખાલી

સ્થાનિકોએ પોતાની તૈયારી બતાવતા દબાણ દૂર કરવા માટે થોડો વધારાનો સમય માગ્યો હતો, પરંતુ કોર્પોરેશન પોતાના નિર્ણય પર મક્કમ રહ્યું હતું. ઉલ્લેખનીય છે કે, આ જમીન પર આગામી સમયમાં 'સરદાર પટેલ સ્પોર્ટ એન્ક્લેવ'નું નિર્માણ થનાર છે, જેના કારણે આ દબાણો દૂર કરવા ખૂબ જ અનિવાર્ય બન્યા છે.

આ પણ વાંચો:  junagadh news: AAP માં વધુ વિકેટ પડી, શહેર સંગઠન મંત્રી ભૌતિક ભૂત ભાજપમાં જોડાયા