Ahmedabad Rickshaw Strike: અમદાવાદમાં રિક્ષા-ટેક્સી ચાલકોની હડતાળનો બીજો દિવસ, એરપોર્ટ પર મુસાફરો બેહાલ, ડબલ ભાડાની માંગ

Ahmedabad માં રિક્ષા-ટેક્સી હડતાળનો બીજો દિવસ

બીજી બાજુ, રિક્ષા ચાલકોની હડતાળને અમદાવાદ શહેરમાં મિશ્ર પ્રતિસાદ મળ્યો છે. વહેલી સવારે રાણીપ સહિતના વિસ્તારોમાં રિક્ષાઓ સામાન્ય દિવસોની જેમ રાબેતા મુજબ ચાલતી જોવા મળી હતી, જેના કારણે નોકરીયાતો અને સામાન્ય નાગરિકોને થોડી રાહત જરૂર મળી છે. અગાઉ રિક્ષા અને ટેક્સી યુનિયનની આગેવાની હેઠળ RTO, પોલીસ અને ટ્રાન્સપોર્ટ વિભાગના અધિકારીઓ સાથે બેઠક યોજાઈ હતી, પરંતુ લાંબી ચર્ચા છતાં આ બેઠકમાં કોઈ સંતોષકારક કે યોગ્ય નિરાકરણ આવી શક્યું નહોતું. અધિકારીઓ સાથેની મંત્રણા નિષ્ફળ નીવડતા ચાલકો પોતાની માંગણીઓ પર મક્કમ રહ્યા છે.

અન્ય જિલ્લાના ટેક્સીવાળા પણ જોડાશે

પોતાની પડતર માગણીઓ અને ઓનલાઈન કેબ સામેના વિરોધને લઈને રિક્ષા અને ટેક્સી ચાલકો હડતાળ પર અડગ છે અને જ્યાં સુધી તેમની માંગણીઓ સ્વીકારવામાં નહીં આવે ત્યાં સુધી આ આંદોલન યથાવત રહેશે તેવી ચીમકી ઉચ્ચારી છે. આ વિવાદ હવે માત્ર અમદાવાદ પૂરતો સીમિત નથી રહ્યો, પરંતુ આ હડતાળમાં સમર્થન આપવા માટે હવે અન્ય જિલ્લાના ટેક્સીચાલકો પણ જોડાવાના હોવાથી મામલો વધુ ગરમાઈ શકે છે. ચાર દિવસીય હડતાળના એલાનને પગલે તંત્ર અને યુનિયન વચ્ચે આગામી સમયમાં કેવું વલણ રહે છે તેના પર સૌની નજર ટકેલી છે.

આ પણ વાંચો: Rajkot Lodhika Sangh Election: લોધિકા સંઘની ચૂંટણીમાં ભાજપ સામે ભાજપનો જંગ, જયેશ રાદડિયા-પ્રશાંત કોરાટ જૂથ આમને-સામને