Ahmedabad News: બારેજાના પાર્થ પટેલે રચ્યો ઈતિહાસ, બુલેટ પર 19,024 ફૂટ ઊંચા 'ઉમલિંગ લા પાસ' સર કરી ગિનીઝ વર્લ્ડ રેકોર્ડમાં મેળવ્યું સ્થાન

Ahmedabad ના બારેજાના પાર્થ પટેલે રચ્યો ઈતિહાસ

પ્રાપ્ત વિગતો અનુસાર, પાર્થ પટેલે બુલેટ બાઇક પર એક અત્યંત જોખમી અને પડકારજનક બાઇક અભિયાન સફળતાપૂર્વક પાર પાડ્યું છે. તેમણે દરિયાઈ સપાટીથી અંદાજે 19,024 ફૂટ (5,799મીટર) ની માતબર ઊંચાઈ પર આવેલા વિશ્વના સર્વોચ્ચ સડક માર્ગ 'ઉમલિંગ લા પાસ' સુધી સફળ સવારી કરી હતી. આ પાસ પૂર્વી લદ્દાખ ક્ષેત્રમાં ભારત-ચીન સરહદ નજીક આવેલો છે, જે ચિસુમલે અને ડેમચોક ગામોને જોડે છે. નોંધનીય છે કે બોર્ડર રોડ્સ ઓર્ગેનાઇઝેશન (BRO) દ્વારા 'પ્રોજેક્ટ હિમાંક' હેઠળ આ અત્યંત દુર્ગમ માર્ગનું નિર્માણ કરવામાં આવ્યું છે.

ગિનીઝ વર્લ્ડ રેકોર્ડ્સનું મળ્યું સન્માન

16 નવેમ્બર 2021 ના રોજ ગિનીઝ વર્લ્ડ રેકોર્ડ્સ દ્વારા આ માર્ગને વિશ્વના સૌથી ઊંચા મોટરેબલ રોડ તરીકે સત્તાવાર માન્યતા આપવામાં આવી હતી. આટલી ભારે ઊંચાઈ પર ઓક્સિજનની ઓછી માત્રા અને અત્યંત પ્રતિકૂળ હવામાન વચ્ચે બુલેટ બાઇક પર આ સર્વોચ્ચ શિખર સર કરવા બદલ ગિનીઝ વર્લ્ડ રેકોર્ડ્સ દ્વારા પાર્થ પટેલને વિશિષ્ટ પ્રમાણપત્ર એનાયત કરવામાં આવ્યું છે. તેમની આ સિદ્ધિ બદલ ચારેય તરફથી અભિનંદન વર્ષા થઈ રહી છે.

આ પણ વાંચો: Ambalal Patel Weather forecast: મઘા નક્ષત્રના પ્રભાવથી રાજ્યમાં ફરી ધમાકો કરશે મેઘરાજા! આ વિસ્તારોમાં ધોધમાર વરસાદ પડશે