Asaram ના આશ્રમ પર ફરી વળશે બુલડોઝર! જમીન પચાવી પાડ્યાનો હાઈકોર્ટમાં ખુલાસો
- હાઈકોર્ટની ડબલ બેન્ચે Asaram ના આશ્રમની અપીલ ફગાવી દીધી
- આસારામ આશ્રમનું ગેરકાયદે બાંધકામ ગમે ત્યારે તોડી શકાશે
- આશ્રમે નદીની જમીન પચાવી પાડી હોવાનો કોર્ટમાં ખુલાસો
અમદાવાદમાં સાબરમતી નદીના કિનારે આવેલા આસારામ (Asaram) આશ્રમ માટે કાયદાકીય મુશ્કેલીઓમાં મોટો વધારો થયો છે. ગુજરાત હાઈકોર્ટની ડબલ બેન્ચે (Double Bench) આશ્રમ દ્વારા કરવામાં આવેલી અપીલને ફગાવી (Dismissed) દીધી છે. આ ચુકાદા સાથે જ હવે આશ્રમમાં કરવામાં આવેલું ગેરકાયદે બાંધકામ (Illegal construction) ગમે ત્યારે તોડી પાડવાનો માર્ગ મોકળો થયો છે.
Asaram ના આશ્રમે નદીની જમીન પચાવી પાડી
કોર્ટમાં ચાલેલી સુનાવણી દરમિયાન એવો ચોંકાવનારો ખુલાસો (Disclosure) થયો હતો કે આશ્રમે નદીની જમીન પચાવી પાડી છે. જમીન અતિક્રમણ (Encroachment) ના આ મામલે કોર્ટે નોંધ્યું હતું કે આશ્રમ સત્તાવાળાઓ દ્વારા વારંવાર નિયમોનો ભંગ કરવામાં આવ્યો છે. આ બાબતને ગંભીરતાથી લેતા હાઈકોર્ટે અત્યંત કડક વલણ અપનાવ્યું છે. અગાઉ સિંગલ જજની બેન્ચે આપેલા આદેશ સામે આશ્રમે જે મનાઈહુકમ (Stay order) ની માંગણી કરી હતી, તેને ડબલ બેન્ચે ગ્રાહ્ય રાખી નથી.
અમદાવાદમાં આસારામ આશ્રમ તોડવા માટેનો રસ્તો સાફ
હાઈકોર્ટની ડબલ બેન્ચે આશ્રમની અપીલ ફગાવી દીધી
આસારામ આશ્રમનું ગેરકાયદે બાંધકામ ગમે ત્યારે તોડી શકાશે
આશ્રમે નદીની જમીન પચાવી પાડી હોવાનો કોર્ટમાં ખુલાસો
વારંવાર નિયમોનો ભંગ કરવા બદલ કોર્ટે લીધું કડક વલણ
જમીન ખાલી કરવાની શરતે સ્ટે… pic.twitter.com/0egzBLiKyO— Gujarat First (@GujaratFirst) April 17, 2026
4 અઠવાડિયાનો સમય માગ્યો
સુનાવણી દરમિયાન કોર્ટે એક વિકલ્પ પણ આપ્યો હતો કે જો આશ્રમ સ્વેચ્છાએ જમીન ખાલી (Vacating land) કરવાની શરત સ્વીકારે, તો સ્ટે આપવા અંગે વિચારણા થઈ શકે. જોકે, કાયદાકીય ગૂંચવણો વચ્ચે આશ્રમ તરફથી આ મામલે ઉપલી કોર્ટમાં અપીલ કરવા માટે 4 અઠવાડિયાનો સમય માગવામાં આવ્યો છે.
અનધિકૃત બાંધકામો સામે મજબૂત દાખલો
હાઈકોર્ટના આ કડક આદેશથી સાબિત થાય છે કે જાહેર જમીન (Public land) પરના દબાણો સામે ન્યાયતંત્ર હવે કોઈ બાંધછોડ કરવાના મૂડમાં નથી. સ્થાનિક તંત્ર હવે ગમે ત્યારે ડિમોલિશન (Demolition) ની કાર્યવાહી હાથ ધરી શકે છે. આ ચુકાદાએ ધાર્મિક સંસ્થાઓ દ્વારા કરવામાં આવતા અનધિકૃત બાંધકામો સામે એક મજબૂત દાખલો બેસાડ્યો છે.
આ પણ વાંચોઃ વલસાડમાં દુષ્કર્મી Asaram ની હાજરીથી વિવાદ, મીડિયાને રોકવાના પ્રયાસ!
આ પણ વાંચોઃ Vav-Tharad: ભાજપ-કોંગ્રેસના ઉમેદવારો એક સાથે દેખાયા! દિયોદરનો ચૂંટણી જંગ કોણ જીતશે?