ગુજરાતમાં 3 સિસ્ટમ સક્રિય: અમદાવાદમાં વાદળછાયું વાતાવરણ, રાજ્યના આ વિસ્તારોમાં પડશે હળવાથી મધ્યમ વરસાદ

ત્રણ મજબૂત સિસ્ટમ સક્રિય: વાતાવરણમાં પલટો

હવામાન નિષ્ણાતોના જણાવ્યા મુજબ, હાલમાં વાતાવરણમાં એકસાથે ત્રણ મહત્વપૂર્ણ વરસાદી સિસ્ટમો સક્રિય થઈ છે. જેના કારણે રાજ્યમાં વરસાદ માટે સાનુકૂળ વાતાવરણ સર્જાયું છે.

ચોમાસાની મુખ્ય ટર્ફ લાઇન સક્રિય છે, જેથી ઉપરી વાતાવરણમાં ચક્રવાતી ભેજનું સર્ક્યુલેશન બન્યું છે. દક્ષિણ અને મધ્ય ભારત તરફથી આવતી ટ્રાફ લાઇન પણ સક્રિય છે. આ ત્રણેય સિસ્ટમ્સ એકસાથે સક્રિય થવાના કારણે હવામાનમાં ભેજનું પ્રમાણ વધ્યું છે અને વાદળો બંધાઈ રહ્યા છે.

રાજ્યમાં છૂટાછવાયા સ્થળો પર હળવાથી મધ્યમ વરસાદની શક્યતા

હવામાન વિભાગની તાજી આગાહી મુજબ, રાજ્યના જુદા જુદા જિલ્લાઓમાં અને છૂટાછવાયા સ્થળો પર હળવાથી મધ્યમ (Light to Moderate) પ્રકારનો વરસાદ પડી શકે છે. ખાસ કરીને અમદાવાદ (Ahmedabad), ગાંધીનગર (Gandhinagar) અને મધ્ય ગુજરાતના (Central Gujarat) વિસ્તારોમાં દિવસ દરમિયાન સમયાંતરે વરસાદી ઝાપટાં પડવાની પૂરી શક્યતાઓ છે. વાદળછાયા વાતાવરણના કારણે લોકોને ગરમી અને અસહ્ય બફારામાંથી મોટી રાહત મળી છે.

9 ઓગસ્ટ સુધી સામાન્ય વરસાદની આગાહી

હવામાન વિભાગના મતે રાજ્યમાં આગામી 9 ઓગસ્ટ સુધી હળવોથી સામાન્ય વરસાદી માહોલ જળવાયેલો રહેશે. આ દરમિયાન કોઈ ભારે કે અતિભારે કે ધોધમાર વરસાદની શક્યતા ઓછી છે, પરંતુ હળવા ઝાપટાં સતત ચાલુ રહેશે. આ હળવો વરસાદ ચોમાસુ પાકો માટે ખૂબ જ ફાયદાકારક સાબિત થશે, જેનાથી ખેડૂતોમાં પણ આશાનું કિરણ જાગ્યું છે.

આ પણ વાંચો: Sardar Sarovar Narmada Dam Water Level: 24 કલાકમાં 1 મીટર પાણી વધ્યું! નર્મદા ડેમ છલકાવામાં માત્ર 6.68 મીટર બાકી