અમદાવાદ ક્રાઇમ બ્રાન્ચનો મોટો ધડાકો: ચંડોળા કેસના 2 આરોપીઓને 20 અને 16 વર્ષની સજા

સાગર માંડલ અને મોહમ્મદ ફારુકને આકરી કેદની સજા

કોર્ટ દ્વારા આ કેસના બે મુખ્ય આરોપીઓ સાગર માંડલ (Sagar Mandal) અને મોહમ્મદ ફારુકને ગુનેગાર ઠેરવવામાં આવ્યા છે. કોર્ટે ગુનાની ગંભીરતાને ધ્યાનમાં રાખીને એક આરોપીને 16 વર્ષ અને અન્ય આરોપીને 20 વર્ષની સખત કેદની સજા ફટકારી છે. આ બંને આરોપીઓ બાંગ્લાદેશથી (Bangladesh) સગીર વયની છોકરીઓને ગેરકાયદેસર રીતે ભારતમાં ઘૂસણખોરી કરાવીને ચંડોળા તળાવ વિસ્તારમાં દેહવેપારના દલદલમાં ધકેલવાનું સંગઠિત નેટવર્ક ચલાવતા હતા.

બાંગ્લાદેશી સગીરાઓને લાવી દેહવેપારમાં ધકેલવાનું કૌભાંડ

પોલીસ તપાસમાં બહાર આવેલા તથ્યો મુજબ, આરોપીઓ દ્વારા બે માસુમ સગીરાઓને બાંગ્લાદેશથી (Bangladesh) ગેરકાયદેસર ઇમિગ્રેશન (Illegal Immigration) કરાવીને ભારત લાવવામાં આવી હતી. ત્યારબાદ આ બોગસ દસ્તાવેજો અને સીમાપારના ગેરકાયદેસર રસ્તાઓનો ઉપયોગ કરીને સગીરાઓને અમદાવાદ લાવી નિર્દયતાપૂર્વક દેહવેપારના ધંધામાં ધકેલી દેવામાં આવી હતી. ક્રાઇમ બ્રાન્ચે આ સમગ્ર નેટવર્કનો પર્દાફાશ કરીને સગીરાઓને મુક્ત કરાવી હતી.

અન્ય 6 નવા ગુના નોંધી નેટવર્ક જડમૂળથી ઉખાડી ફેંકાયું: PI ટીમની પ્રશંસનીય કામગીરી

અમદાવાદ ક્રાઇમ બ્રાન્ચે આ માત્ર એક કેસ પૂરતી તપાસ સીમિત ન રાખતાં સમગ્ર નેટવર્કને જડમૂળથી ઉખેડી નાખવા માટે તડામાર ઓપરેશન હાથ ધર્યું હતું. પોલીસે આ પ્રકરણમાં અન્ય 6 નવા ગુનાઓ (6 New Cases Registered) નોંધીને ચંડોળા તળાવ આસપાસ ચાલતી તમામ ગેરકાયદેસર પ્રવૃત્તિઓ પર બુલડોઝર ફેરવી દીધું હતું.

આ સમગ્ર સફળ ઓપરેશન અને મજબૂત ચાર્જશીટ રજૂ કરવામાં પી.આઈ. એસ.જે. જાડેજા (PI S.J. Jadeja) અને પી.આઈ. આઈ.એન. ઘાસૂરા (PI I.N. Ghasura) તથા તેમની ટીમની ઉત્કૃષ્ટ અને પ્રશંસનીય કામગીરી રહી છે. પોલીસની આ ઠોસ કાર્યવાહીથી સરહદ પારથી ચાલતા માનવ તસ્કરીના દૂષણ પર મોટો પ્રહાર થયો છે.

આ પણ વાંચો: રાજકોટના બામણબોરમાં કેમિકલ માફિયા બેફામ: ઝેરી પાણીથી પશુઓના મોત!