મહેસાણાથી અમદાવાદનું Drugs Connection
અમદાવાદમાં નશાના નેટવર્ક પર ક્રાઈમ બ્રાન્ચનો મોટો પ્રહાર
અમદાવાદમાં ક્રાઈમ બ્રાન્ચની ટીમ પર હુમલાનો પ્રયાસ
MD ડ્રગ્સ સાથે ઝડપાયેલા શખ્સે પોલીસ સાથે કરી ઝપાઝપી
મહેસાણાથી ડ્રગ્સ લાવી રહેલા શખ્સને ભાટ ગામ પાસે આંતર્યો

Drugs Connection: અમદાવાદ શહેરની સુરક્ષામાં તૈનાત ક્રાઈમ બ્રાન્ચ (Crime Branch) ની ટીમ પર હુમલાનો એક ચોંકાવનારો કિસ્સો સામે આવ્યો છે. નશાના કારોબાર સામે ચાલી રહેલી ઝુંબેશ દરમિયાન પોલીસે એક ડ્રગ પેડલરને ફિલ્મી ઢબે દબોચી લીધો છે. મળતી માહિતી મુજબ, આરોપી મહેસાણા (Mehsana) થી MD ડ્રગ્સનો મોટો જથ્થો લઈને અમદાવાદ તરફ આવી રહ્યો હતો.

ભાટ ગામ પાસે ફિલ્મી દ્રશ્યો

બાતમીના આધારે ક્રાઈમ બ્રાન્ચની ટીમે ભાટ ગામ (Bhat Village) પાસે વોચ ગોઠવી હતી. જેવો શખ્સ ત્યાં પહોંચ્યો, પોલીસે તેને આંતર્યો હતો. પોતાની ધરપકડ નિશ્ચિત જોઈને આરોપીએ પોલીસ પર હુમલો કરવાનો પ્રયાસ કર્યો હતો અને ઝપાઝપી કરી ફરાર થવાની કોશિશ કરી હતી. જોકે, ક્રાઈમ બ્રાન્ચના જવાનોએ સાવધાનીપૂર્વક આરોપીને કાબૂમાં લઈ લીધો હતો.

27 લાખનું ડ્રગ્સ જપ્ત

પોલીસે આરોપીની અંગઝડતી લેતા તેની પાસેથી ૩૦૦ ગ્રામ MD ડ્રગ્સ મળી આવ્યું હતું, જેની અંદાજિત કિંમત ૨૭ લાખ રૂપિયા આંકવામાં આવી રહી છે. પ્રાથમિક તપાસમાં બહાર આવ્યું છે કે આ ડ્રગ્સનો જથ્થો મહેસાણાથી લાવવામાં આવ્યો હતો અને તેને અમદાવાદના વિવિધ વિસ્તારોમાં સપ્લાય કરવાનો પ્લાન હતો.

નશાના નેટવર્ક પર મોટો પ્રહાર

અમદાવાદ ક્રાઈમ બ્રાન્ચની આ સફળ કાર્યવાહીને કારણે નશાના મોટા નેટવર્કનો પર્દાફાશ થયો છે. પોલીસ હવે એ દિશામાં તપાસ કરી રહી છે કે આ ડ્રગ્સ કોના માટે લાવવામાં આવ્યું હતું અને આ ગેંગના મૂળ ક્યાં સુધી ફેલાયેલા છે. પોલીસની આ કાર્યવાહીથી ડ્રગ માફિયાઓમાં ફફડાટ વ્યાપી ગયો છે.

આ પણ વાંચો: Gujarat ATS અને Indian Coast Guardનું ઓપરેશન,Porbandar ના દરિયામાંથી 200 કિલોથી વધુનું ડ્રગ્સ ઝડપાયુ