Ahmedabad Nagarpalika Result: અમદાવાદના રાજકારણમાં ભાજપનો દબદબો: ધોળકા, વિરમગામ અને બારેજામાં ભગવો લહેરાયો

ધોળકામાં ભગવો ઝળહળ્યો

ધોળકા નગરપાલિકા (Dholka Nagarpalika) ની ચૂંટણીમાં ભાજપે તમામ વિરોધીઓને પછાડીને પ્રચંડ જીત મેળવી છે. કુલ 36 બેઠકોમાંથી ભાજપે 31 બેઠકો પર વિજય પ્રાપ્ત કર્યો છે. આ વિજય ભાજપ માટે અત્યંત મહત્વનો માનવામાં આવે છે, કારણ કે ધોળકા વિસ્તારમાં ભાજપની પકડ વધુ મજબૂત બની છે. મતદારોએ ભાજપના વિકાસના એજન્ડા પર મહોર મારી હોય તેમ સ્પષ્ટ જણાઈ રહ્યું છે.

વિરમગામમાં ભાજપનો પરચમ અકબંધ

બીજી તરફ વિરમગામ નગરપાલિકા (Viramgam Nagarpalika) માં પણ ભાજપે પોતાનો દબદબો અકબંધ રાખ્યો છે. વિરમગામની કુલ 36 બેઠકોમાંથી ભાજપને 26 બેઠકો પર સફળતા મળી છે. વિરોધ પક્ષો દ્વારા કરવામાં આવેલા દાવાઓ વચ્ચે ભાજપે આત્મવિશ્વાસ સાથે બહુમતી મેળવીને સત્તા જાળવી રાખી છે. ભાજપના નેતાઓએ આ જીતને લોકોનો વિશ્વાસ અને વિકાસની જીત ગણાવી છે.

આ પણ વાંચો----- Ahmedabad Municipal Corporation માં ભાજપનો ભવ્ય વિજય, 101 બેઠક સાથે કેસરીયો લહેરાયો

બારેજામાં ભાજપની જીતની હેટ્રિક

બારેજા નગરપાલિકા (Bareja Nagarpalika) ની ચૂંટણીમાં રસાકસી ભરી સ્થિતિ જોવા મળી હતી, પરંતુ અંતે ભાજપે જીત મેળવી હતી. બારેજામાં ભાજપને 13 બેઠકો મળી છે, જ્યારે અપક્ષ ઉમેદવારોએ 11 બેઠકો મેળવીને ભાજપને કાંટાની ટક્કર આપી હતી. અપક્ષ ઉમેદવારોનું વધતું જતું વર્ચસ્વ આગામી સમયમાં રાજકીય પક્ષો માટે વિચારવાનો વિષય બની શકે છે. આમ છતાં, ભાજપ બહુમતી સાથે સત્તાના સુકાન સંભાળવા સક્ષમ બન્યું છે.

સમગ્ર જિલ્લાના આ પરિણામો પરથી સ્પષ્ટ થાય છે કે ભાજપની સંગઠનાત્મક તાકાત અને વિકાસના કાર્યો મતદારોને આકર્ષવામાં સફળ રહ્યા છે. વિરોધ પક્ષો માટે આ પરિણામો આત્મમંથન કરવાનો સમય લઈને આવ્યા છે, જ્યારે ભાજપ આગામી સમયમાં નવા ઉત્સાહ સાથે વિકાસના કાર્યોને આગળ ધપાવશે.

આ પણ વાંચો---- Rajkot માં ભાજપનો ભગવો લહેરાયો, તો બીજી તરફ જિલ્લા પંચાયતમાં Congress અને AAP એ ખાતું ખોલ્યું