અમદાવાદીઓ માટે અત્યંત ડરામણી આગાહી: રસ્તાઓ બની શકે છે નદી! 8 ઇંચથી વધુ વરસાદની આગાહી

એકસાથે 4 વરસાદી સિસ્ટમ એક્ટિવ થતાં બમણું થયું જોખમ

હવામાન નિષ્ણાતોના જણાવ્યા મુજબ, હાલમાં એકસાથે 4 મજબૂત વરસાદી સિસ્ટમો સક્રિય થઈ છે. ડીપ ડીપ્રેશન, મોન્સૂન ટ્રફ, શિયર ઝોન અને વેસ્ટર્ન ડિસ્ટર્બન્સની ભેગા થવાની અસરથી અમદાવાદ પર ભયાનક મેઘતાંડવનું જોખમ ઊભું થયું છે. આ સિસ્ટમ્સના કારણે અમદાવાદમાં 8 ઈંચથી પણ વધુ વરસાદ ખાબકે તેવી પ્રબળ શક્યતાઓ છે.

અમદાવાદીઓને જીવન જરૂરિયાતની વસ્તુઓનો સંગ્રહ કરવા અપીલ

શહેરમાં અતિભારેથી પણ ભારે વરસાદની આગાહીને પગલે સામાન્ય જનજીવન સંપૂર્ણપણે અસ્તવ્યસ્ત થઈ શકે છે. ભારે જળબંબાકારના કારણે અમદાવાદીઓ માટે ઘરમાંથી બહાર નીકળવું પણ અત્યંત મુશ્કેલ બની જશે. પરિસ્થિતિની ગંભીરતાને ધ્યાનમાં રાખીને નાગરિકોને દૂધ, શાકભાજી, પીવાનું ચોખ્ખું પાણી, દવાઓ અને અન્ય જીવન જરૂરિયાતની વસ્તુઓનો અગાઉથી સંગ્રહ કરી લેવા સલાહ આપવામાં આવી છે.

રસ્તાઓ બનશે નદી, તંત્ર એલર્ટ મોડ પર

ધોધમાર વરસાદથી શહેરના અંડરપાસ, મુખ્ય ચાર રસ્તાઓ અને તમામ પશ્ચિમ તથા પૂર્વના નીચાણવાળા વિસ્તારોમાં પાણી ભરાઈ જવાથી વાહનવ્યવહાર ઠપ્પ થઈ શકે છે. સ્થિતિને પહોંચી વળવા માટે અમદાવાદ મ્યુનિસિપલ કોર્પોરેશન, ફાયર બ્રિગેડ અને પોલીસ તંત્રને એલર્ટ મોડ પર મૂકી દેવામાં આવ્યા છે. નાગરિકોને બિનજરૂરી બહાર ન નીકળવા અને સુરક્ષિત સ્થળે રહેવા કડક સૂચના આપવામાં આવી છે.

આ પણ વાંચો: IMD Red Alert: ગુજરાતમાં આભ ફાટશે! 4 જિલ્લાની શાળા-કોલેજોમાં રજા જાહેર, જુઓ લિસ્ટ