દિલ્હી અગ્નિકાંડ બાદ અમદાવાદમાં મોટું ઓપરેશન: 37 હોટલોને ફાયર વિભાગની લાલ આંખ
Delhi Fire Accident Impact: દિલ્હી અગ્નિકાંડ બાદ અમદાવાદ ફાયર વિભાગે શહેરમાં હોટલો પર સરપ્રાઈઝ ચેકિંગ હાથ ધર્યું છે. ફાયર સેફ્ટીની ગંભીર ખામીઓ બદલ 37 હોટલોને નોટિસ ફટકારવામાં આવી છે, જેમાં સાઉથ ઝોનમાં સૌથી વધુ 12 હોટલો સામેલ છે. તંત્ર દ્વારા ફાયર સિસ્ટમ અને NOCની તપાસ કરી હોટલ સંચાલકોને તાત્કાલિક સુધારા કરવા કડક આદેશ અપાયા છે.
Advertisement
Ahmedabad Fire Department: દિલ્હીની ઘટના બાદ અમદાવાદનું તંત્ર એલર્ટ દેશની રાજધાની દિલ્હી (Delhi) માં સર્જાયેલા ભયાનક અગ્નિકાંડ બાદ અમદાવાદ (Ahmedabad) મહાનગરપાલિકાનું તંત્ર સંપૂર્ણપણે હરકતમાં આવ્યું છે. અમદાવાદ ફાયર બ્રિગેડ (Ahmedabad Fire Brigade) દ્વારા શહેરની જાણીતી હોટલોમાં અચાનક સરપ્રાઈઝ ચેકિંગ (Surprise Checking) હાથ ધરવામાં આવ્યું હતું. આ કડક ડ્રાઈવ દરમિયાન ફાયર સેફ્ટી (Fire Safety) ના નિયમોનું ઉલ્લંઘન કરતી અને ગંભીર ખામીઓ ધરાવતી 37 હોટલોને કાયદેસરની નોટિસ (Notice) ફટકારવામાં આવી છે. તંત્રની આ અચાનક તવાઈથી નિયમોનું પાલન ન કરતા હોટલ સંચાલકોમાં ભારે ફફડાટ વ્યાપી ગયો છે.