Hind First

Hind First (English)

› Ahmedabad › Gita Mandir Bus Stand: અમદાવાદને મળ્યું એરપોર્ટ જેવું બસ સ્ટેન્ડ! જુઓ કેવી છે હાઈટેક સુવિધાઓ

Gita Mandir Bus Stand: અમદાવાદને મળ્યું એરપોર્ટ જેવું બસ સ્ટેન્ડ! જુઓ કેવી છે હાઈટેક સુવિધાઓ

GSRTC Terminal 2: અમદાવાદના ગીતામંદિર સેન્ટ્રલ બસ સ્ટેન્ડ ખાતે 4309 ચોરસ મીટરમાં તૈયાર કરાયેલા ટર્મિનલ 2 નું ગૃહ રાજ્યમંત્રી હર્ષ સંઘવીએ લોકાર્પણ કર્યું. આ ટર્મિનલમાં 39 પ્લેટફોર્મ, 570 થી વધુ બેઠકો, કેન્ટીન, પાર્કિંગ, ક્લોક રૂમ અને પબ્લિક એડ્રેસિંગ સિસ્ટમ જેવી સુવિધાઓ છે. આ ઉપરાંત એસ.ટી. કર્મચારીઓ માટે ત્રીજા માળે રેસ્ટ રૂમ અને ડોર્મેટરી પણ બનાવવામાં આવી છે.

Dushyant Karnal

05:55 PM Aug 12, 2026 IST

gita mandir bus stand અમદાવાદને મળ્યું એરપોર્ટ જેવું બસ સ્ટેન્ડ જુઓ કેવી છે હાઈટેક સુવિધાઓ

Gita Mandir Terminal 2: અમદાવાદ શહેરના ગીતામંદિર સ્થિત સેન્ટ્રલ બસ સ્ટેન્ડના નવનિર્મિત ટર્મિનલ 2નું ભવ્ય લોકાર્પણ ગૃહ રાજ્યમંત્રી હર્ષભાઇ સંઘવી (Harsh Sanghavi) ના હસ્તે કરવામાં આવ્યું છે. ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા મુસાફરોની સુવિધા વધારવાના હેતુથી આ મોર્ડન બસ ટર્મિનલ તૈયાર કરવામાં આવ્યું છે. આ નવા ટર્મિનલથી રાજ્યભરમાં પ્રવાસ કરતા હજારો મુસાફરોને ભારે સુગમતા રહેશે.

4309 ચોરસ મીટરમાં આધુનિક નિર્માણ અને 39 પ્લેટફોર્મ

નવા બસ ટર્મિનલ 2 નું નિર્માણ કુલ 4309 ચોરસ મીટરના વિશાળ ક્ષેત્રફળમાં કરવામાં આવ્યું છે. આ ટર્મિનલમાંથી એકસાથે અનેક બસોનું સંચાલન થઈ શકે તે માટે કુલ 39 પ્લેટફોર્મ તૈયાર કરવામાં આવ્યા છે. મુસાફરોને ટિકિટ મેળવવામાં કે મુસાફરી અંગેની માહિતી મેળવવામાં કોઈ તકલીફ ન પડે તે માટે અહીં ટિકિટિંગ અને પૂછપરછ માટે 3 ખાસ કાઉન્ટર, 1 ટુરિસ્ટ ઇન્ફોર્મેશન સેન્ટર (Tourist Information Centre) અને 1 કન્સેશનર ઓફિસ (Concessioner Office) ની સુવિધા પણ ઉપલબ્ધ કરાવવામાં આવી છે.

570 થી વધુ બેઠકો અને વિશાળ વેઇટિંગ એરિયા

મુસાફરોની આરામદાયક પ્રતિક્ષા માટે આ ટર્મિનલમાં વિશેષ ધ્યાન આપવામાં આવ્યું છે. ટર્મિનલમાં જનરલ, લેડીઝ અને ડીલક્ષ મળીને કુલ 200 બેઠકોની ક્ષમતા ધરાવતો વિશાળ વેઇટિંગ હોલ બનાવાયો છે. આ ઉપરાંત મુખ્ય પેસેન્જર એરિયામાં 412 ચોરસ મીટરના ક્ષેત્રફળમાં 370 બેઠકો ધરાવતી અલગ બેઠક વ્યવસ્થા પણ ઊભી કરવામાં આવી છે. આમ, એકસાથે 570 થી વધુ મુસાફરો આરામથી બેસી શકે તેવી સુવિધા અહીં ઉપલબ્ધ છે.

કેન્ટીન, પાર્સલ રૂમ અને પાર્કિંગ સુવિધા

મુસાફરોની ખાણી-પીણીની જરૂરિયાતો પૂરી કરવા માટે ટર્મિનલમાં 130 સીટની ક્ષમતા ધરાવતી કેન્ટીન (Canteen) શરૂ કરવામાં આવી છે. મુસાફરોના સામાનની સુરક્ષા માટે ક્લોક રૂમ (Cloak Room) અને પાર્સલ સુવિધા માટે પાર્સલ રૂમ (Parcel Room) પણ બનાવાયા છે. વાહનોના પાર્કિંગ માટે 3000 ચોરસ મીટરનો વિશાળ પાર્કિંગ એરિયા (Parking Area) તૈયાર કરાયો છે. આ સિવાય મુસાફરોને પીવાના શુદ્ધ પાણી માટે 3 વોટર રૂમ (Water Rooms) અને સમયસર માહિતી માટે પબ્લિક એડ્રેસિંગ સિસ્ટમ લગાડવામાં આવી છે.

Ahmedabad Central Bus Stand Terminal 2 Inaugurated: 39 Platforms and Modern Passenger Facilities
Ahmedabad Central Bus Stand Terminal 2 Inaugurated: અમદાવાદના સેન્ટ્રલ બસ સ્ટેન્ડ ટર્મિનલ 2નું લોકાર્પણ
નાયબ મુખ્યમંત્રી હર્ષભાઈના હસ્તે ટર્મિનલ-2નું લોકાર્પણ
4309 ચોરસ મીટરમાં… pic.twitter.com/eqGt2uhleY
— Gujarat First (@GujaratFirst) August 12, 2026

ડ્રાઇવર અને કન્ડક્ટર માટે રેસ્ટ રૂમ

એસ.ટી. નિગમની સેવાઓના મુખ્ય આધારસ્તંભ એવા ડ્રાઇવર (Driver) અને કન્ડક્ટર (Conductor) ના આરામ માટે પણ વિશેષ આયોજન કરવામાં આવ્યું છે. ટર્મિનલના ત્રીજા માળે તેમના આરામ માટે આધુનિક રેસ્ટ રૂમ (Rest Room) અને ડોર્મેટરી (Dormitory) ની ઉત્તમ સુવિધા ઊભી કરવામાં આવી છે, જેથી તેઓ તેમની ડ્યુટી દરમિયાન પૂરતો આરામ મેળવી શકે.

આ પણ વાંચો: વાયબ્રન્ટ ગુજરાત સમિટની તૈયારીઓ તેજ, સીએમ ભૂપેન્દ્રભાઇ પટેલ ઉચ્ચ ડેલિગેશન સાથે જશે અમેરિકા-કેનેડાના પ્રવાસે

વધુ વાંચો

Tags :