Ahmedabad: સાણંદના કલાણામાં થયેલી જૂથ અથડામણમાં 3 મહિલા સહિત 25ની ધરપકડ

Ahmedabad:  શું હતી સમગ્ર ઘટના?

અમદાવાદ જિલ્લાના સાણંદ નજીક આવેલા કલાણા ગામમાં 29 ડિસેમ્બરે થયેલી જૂથ અથડામણ મામલે સાણંદ GIDC પોલીસે 25 આરોપીની ધરપકડ કરી છે. આરોપીની ધરપકડ અને તેમની પ્રાથમિક પૂછપરછ બાદ અથડામણને લઈને મહત્વનો ખુલાસો પણ થયો છે. જૂથ અથડામણનું મૂળ કારણ યુવકો વચ્ચે એકબીજાની સામે જોવાની બાબતેથી થઈ હતી. શરૂઆત એક સામાન્ય તકરારથી થઈ જેને ઉગ્ર સ્વરૂપ ધારણ કરી લીધું હતુ. કલાણાના તળાવ પાસે શાહરૂખ પઠાણ (Shahrukh Pathan) નામના આરોપી અને એક સગીર વચ્ચે "એકબીજા સામે જોવા" જેવી નજીવી બાબતે ઝઘડો થયો હતો. આ નાનકડી તકરાર એટલી હદે વણસી ગઈ કે તે બે જૂથો વચ્ચેની ઉગ્ર અથડામણમાં પરિણમી, જેમાં પથ્થરમારો પણ થયો હતો.

60 જેટલા લોકોની અટકાયત થઈ હતી

આ ઘટનાનો એક વીડિયો પણ સામે આવ્યો છે. સાણંદ GIDC પોલીસે આ મામલે ત્વરિત કાર્યવાહી કરી છે. પથ્થરમારામાં સંડોવાયેલા 3 મહિલા સહિત 25 લોકોની ધરપકડ કરવામાં આવી છે. આ મામલે કુલ 60 જેટલા લોકોની અટકાયત કરવામાં આવી હતી. આ ઘટનાની ગંભીરતાને ધ્યાનમાં રાખીને કલાણા ગામમાં સતત ત્રીજા દિવસે પણ પોલીસનું કોમ્બિંગ કરવામાં આવી રહ્યું છે. 1 DySP, 5 PI, અને 8 PSI સહિત 100 જેટલા પોલીસકર્મી ગામમાં શાંતિ સ્થાપિત કરવા અને લોકો ડરનો માહોલ ન રહે તે માટે કાર્યવાહી કરવામાં આવી રહી છે.

ડ્રોન સર્વેલન્સની મદદથી આરોપીઓ પકડાયા

પોલીસ દ્વારા ઘટના બન્યા બાદ આરોપીઓ ખેતરમાં છુપાયા હતા. જેથી ડ્રોન સર્વેલન્સની મદદથી આરોપીઓને શોધીને પકડી પાડવામાં આવ્યા છે. અમદાવાદ ગ્રામ્ય પોલીસ વડા દ્વારા પણ લોકોને અપીલ કરવામાં આવી છે કે આ ઘટના સંદર્ભે કોઈ પણ પ્રકારની આપવામાં આવે સોશિયલ મીડિયા મારફતે મળતી માહિતી અંગે ખરાઈ કરવામાં આવે. પકડાયેલા 25 આરોપીઓમાંથી 5 ગુનાહિત ઇતિહાસ ધરાવે છે.

આ પણ વાંચોઃ Ahmedabad: આંબાવાડીમાં કન્સ્ટ્રક્શન સાઈટ પર દુર્ઘટના, 2 મજૂરના મોત