આ 6 જિલ્લાઓમાં ભારે વરસાદનું રેડ એલર્ટ
હવામાન તંત્રની આગાહી મુજબ, રાજ્યના મધ્ય અને દક્ષિણ ભાગમાં ભારેથી અતિભારે વરસાદ પડે તેવી શક્યતા છે. અમદાવાદ (Ahmedabad), ખેડા (Kheda) અને આણંદ (Anand) જિલ્લામાં બપોરે 1 વાગ્યા સુધી રેડ એલર્ટ જાહેર કરવામાં આવ્યું છે.
આ ઉપરાંત વડોદરા (Vadodara), છોટાઉદેપુર (Chhotaudepur) અને ભરૂચ (Bharuch) જિલ્લામાં પણ આકાશી આફત મુશ્કેલી સર્જી શકે છે, જેથી આ વિસ્તારોમાં પણ રેડ એલર્ટ લાગુ કરી દેવામાં આવ્યું છે. આ જિલ્લાઓમાં નીચાણવાળા વિસ્તારોમાં પાણી ભરાવાની અને વાહનવ્યવહાર ખોરવાઈ જવાની ભીતિ સેવાઈ રહી છે.
સૌરાષ્ટ્ર અને દક્ષિણ ગુજરાતના જિલ્લાઓમાં ઓરેન્જ એલર્ટ
રાજ્યના અન્ય ભાગોની વાત કરીએ તો, ગાંધીનગર (Gandhinagar) અને પંચમહાલ (Panchmahal) જિલ્લામાં બપોરે 1 વાગ્યા સુધી ઓરેન્જ એલર્ટ આપવામાં આવ્યું છે.
દક્ષિણ ગુજરાત (South Gujarat) ના નર્મદા (Narmada), સુરત (Surat), તાપી (Tapi), ડાંગ (Dang) અને નવસારી (Navsari) માં પણ ઓરેન્જ એલર્ટ જાહેર કરાયું છે. દરિયાકાંઠાના વિસ્તારો એવા વલસાડ (Valsad) ઉપરાંત સુરેન્દ્રનગર (Surendranagar) અને બોટાદ (Botad) માં પણ ભારે વરસાદની શક્યતા દર્શાવવામાં આવી છે.
સૌરાષ્ટ્ર (Saurashtra) ના ભાવનગર (Bhavnagar), અમરેલી (Amreli) અને રાજકોટ (Rajkot) જિલ્લાઓમાં Orange Alert આપવામા આવ્યું છે. આ સિવાય દેવભૂમિ દ્વારકા (Devbhumi Dwarka) માં પણ બપોરે 1 વાગ્યા સુધી ઓરેન્જ એલર્ટ લંબાવવામાં આવ્યું છે.
કચ્છ અને ઉત્તર ગુજરાતમાં યલો એલર્ટ
અન્ય વિસ્તારોમાં કચ્છ (Kutch) અને ઉત્તર ગુજરાત (North Gujarat) ના તમામ જિલ્લાઓમાં વરસાદનું યલો એલર્ટ આપવામાં આવ્યું છે. આ વિસ્તારોમાં મધ્યમથી ભારે વરસાદી ઝાપટાં પડે તેવી સંભાવના છે.
વહીવટી તંત્ર દ્વારા નાગરિકોને અપીલ
હવામાન વિભાગના આ એલર્ટને પગલે સ્થાનિક વહીવટી તંત્ર સંપૂર્ણ રીતે સજ્જ થઈ ગયું છે. ડિઝાસ્ટર મેનેજમેન્ટ ટીમ અને સ્થાનિક પોલીસને સ્ટેન્ડબાય પર રાખવામાં આવ્યા છે. નાગરિકોને બિનજરૂરી ઘરની બહાર ન નીકળવા અને સુરક્ષિત સ્થળે રહેવા માટે વહીવટી તંત્ર દ્વારા સ્પષ્ટ આદેશ આપવામાં આવ્યા છે.
આ પણ વાંચો: Rain Update Gujarat: ગરૂડેશ્વરમાં 6 અને વસોમાં 5 ઇંચ વરસાદ ખાબક્યો, 4 કલાકમાં 104 તાલુકા ધમરોળાયા
