Gujarat Heatwave News: અમદાવાદ 44.1 ડિગ્રી સાથે રાજ્યનું સૌથી ગરમ શહેર, હજુ બે દિવસ 'ઓરેન્જ એલર્ટ'
- ગુજરાત (Gujarat) ના 8 શહેરોમાં તાપમાન 40 ડિગ્રીને પાર
- હજુ બે દિવસ અંગ દઝાડતી ગરમીની ચેતવણી
- અમદાવાદ 44.1 ડિગ્રી સાથે હોટેસ્ટ સિટી
- હજુ બે દિવસ 'ઓરેન્જ એલર્ટ
Gujarat Heatwave News: સમગ્ર ગુજરાતમાં હાલ ગરમીનો પ્રકોપ (Heatwave) ચરમસીમાએ પહોંચ્યો છે. રાજ્યના મોટાભાગના શહેરોમાં પારો 43 ડિગ્રીને પાર કરી ગયો છે, જેમાં 44.1 ડિગ્રી તાપમાન (Temperature) સાથે અમદાવાદ (Ahmedabad) રાજ્યનું સૌથી ગરમ શહેર (Hottest City) નોંધાયું છે. અંગ દઝાડતી ગરમી અને લૂના કારણે લોકોના હાલ બેહાલ થયા છે.
Gujarat માં ગરમીનો હાહાકાર
હવામાન વિભાગ દ્વારા હજુ આગામી બે દિવસ સુધી આવી જ ભીષણ ગરમી યથાવત રહેવાની શક્યતા વ્યક્ત કરવામાં આવી છે. ખાસ કરીને સુરેન્દ્રનગર અને કચ્છ જિલ્લાઓ માટે ગંભીર સ્થિતિને જોતા 'ઓરેન્જ એલર્ટ' (Orange Alert) જાહેર કરવામાં આવ્યું છે.
Gujarat ના વિવિધ શહેરોનું તાપમાન
રાજ્યના મુખ્ય શહેરોમાં નોંધાયેલા તાપમાનના આંકડા જોઈએ તો ગાંધીનગરમાં (Gandhinagar) 43.8 ડિગ્રી, અમરેલીમાં 43.5 ડિગ્રી અને સુરેન્દ્રનગરમાં (Surendranagar) 43.4 ડિગ્રી તાપમાન નોંધાયું છે. આ સિવાય કંડલા પોર્ટમાં 43 ડિગ્રી, ડીસામાં 42.2 ડિગ્રી, ભુજમાં 39.8 ડિગ્રી અને પોરબંદરમાં (Porbandar) 39 ડિગ્રી તાપમાન નોંધાયું છે. બપોરના સમયે રસ્તાઓ સૂમસામ જોવા મળી રહ્યા છે અને લોકો ગરમીથી બચવા માટે ઠંડા પીણા અને ઘરની અંદર રહેવાનું પસંદ કરી રહ્યા છે.
અંબાલાલ પટેલની રાહતની આગાહી
ભીષણ ગરમી વચ્ચે જાણીતા હવામાનશાસ્ત્રી (Meteorologist) અંબાલાલ પટેલે રાહતના સમાચાર આપ્યા છે. તેમની આગાહી મુજબ, રાજ્યમાં 16 મે બાદ ગરમીના જોરમાં ક્રમશઃ ઘટાડો (Decrease) થશે. આગામી દિવસોમાં ગરમીનું જોર ઘટતા લોકોને રાહત મળશે. સૌથી મહત્વની વાત એ છે કે, અંબાલાલ પટેલે ચોમાસા (Monsoon) અંગે પણ મોટી આગાહી કરી છે. તેમના જણાવ્યા મુજબ, 23 થી 28 જૂન વચ્ચે રાજ્યમાં વરસાદી માહોલ (Rainy Atmosphere) જામશે અને જૂન મહિનાના અંત સુધીમાં મેઘરાજાનું વિધિવત આગમન થશે. આમ, લાંબા સમયની ગરમી બાદ જૂનના અંતમાં ગુજરાતમાં ઠંડક પ્રસરે તેવી શક્યતા છે.
આ પણ વાંચો: Amul Milk Price Hike: આજથી અમૂલ દૂધના નવા ભાવ અમલી, લોકોમાં જોવા મળી મિશ્ર પ્રતિક્રિયા