Ahmedabad : લીંબુના ભાવમાં તોતિંગ ઉછાળો, છૂટક બજારમાં લીંબુનો ભાવ રૂ.300ને પાર પહોંચ્યો
- Ahmedabad માં ભીષણ ગરમી વચ્ચે લીંબુના ભાવમાં ઉછાળો
- અમદાવાદમાં લીંબુનો ભાવ રૂ.300 ને પાર
- ગરમી વધતા લીંબુના ભાવ વધ્યા
- છૂટક બજારમાં લીંબુનો ભાવ 250 થી 300 રૂપિયા
- હોલસેલ બજારોમાં 200 થી 250 રૂપિયા લીંબુ વેચાયા
Ahmedabad : સહિત સમગ્ર ગુજરાતમાં લીંબુના (lemon price) ભાવમાં ઉછાળો જોવા મળ્યો છે. છૂટક બજારમાં લીંબુના ભાવ વધારે જોવા મળ્યા છે, તો છૂટક અને હોલસેલ બજારમાં લીંબુના ભાવમાં રૂપિયા 50નો ફરક સામે આવ્યો છે. એક તરફ ગરમીમાં લીંબુનો વપરાશ વધ્યો છે તો બીજી તરફ આવક ઓછી નોંધાઈ છે જેના કારણે ભાવમાં વધારો જોવા મળ્યો છે. ઠંડા પીણા (cold drink) જેવા કે સોડા અને લીંબુ શરબતમાં પણ લીંબુનો ઉપયોગ વધારે થતો હોય છે અને ગરમીના સમયે લૂ થી રક્ષણ મેળવવા માટે લોકો લીંબુ પાણી વધારે પીતા હોય છે.
રસોઈમાં ખટાશ લાવવા માટે લીંબુનો ઉપયોગ થાય છે
ગૃહિણીઓ રસોઈમાં ખટાશ લાવવા માટે લીંબુનો ઉપયોગ કરતા હોય છે અને સાથે સાથે હાલ લીંબુનો ભાવ વધ્યો હોવાથી લોકો લીંબુના ફૂલનો પણ ઉપયોગ કરતા હોય છે. લીંબુનો ભાવ દર ઉનાળાની સિઝનમાં વધી જતો હોય છે જેના કારણે ગૃહિણીઓને ના છૂટકે વધારે ભાવ આપીને લીંબુની ખરીદી કરવી પડતી હોય છે. હોલસેવ ભાવ અને છૂટકભાવમાં પણ બહુ ફરક નથી રહ્યો પણ લીંબુના ભાવ વધ્યા છે તે નક્કી છે.
Ahmedabad : છેલ્લા 15 દિવસમાં વધ્યા લીંબુના ભાવ
ઉનાળાની ઋતુમાં ગરમીથી રાહત મેળવવા માટે ઠંડા પીણા, શેરડીનો રસ અને લીંબુ શિકંજીની માંગમાં અચાનક વધારો થાય છે, જેના લીધે લીંબુની જરૂરિયાત વધે છે. બજારમાં પુરવઠા સામે માંગ વધુ હોવાને કારણે છેલ્લા 15 દિવસમાં જ લીંબુના ભાવમાં ચાર ગણો વધારો નોંધાયો છે.
આ પણ વાંચો : લીંબુ કેવી રીતે સ્ટોર કરવા ? આ ટિપ્સથી રહેશે લાંબા સમય સુધી ફ્રેશ