Ahmedabad : હેવમોર આઈસ્ક્રીમના કોનમાંથી નીકળી ગરોળી, ચકચાર મચી ગઈ

તપાસનો ધમધમાટ

મણિનગરની મહિલાએ Havmore ice cream નો ચોકલેટ કોન ખાવા જતા તેમાંથી ગરોળી નીકળી હતી. આ ઘટનાથી સમગ્ર શહેરમાં ચકચાર મચી ગઈ છે. આ ઘટના બાદ AMC એ તપાસનો ધમધમાટ શરુ કરી દીધો છે. Ahmedabad Municipal Corporation ના ફૂડ ડીપાર્ટમેન્ટના અધિકારીઓ તાત્કાલિક જ્યાંથી કોન ખરીદવામાં આવ્યો હતો તે રીટેલ કાઉન્ટર પર ધસી ગયા હતા. જો કે અહીં તેમને માલૂમ પડ્યું કે, આ વિક્રેતા પાસે લાયસન્સ નથી. તેથી તાત્કાલિક આ રીટેલ કાઉન્ટરને સીલ કરી દેવામાં આવ્યું છે. આ ઉપરાંત AMC ના અધિકારીઓની ટીમ હેવમોરની નરોડા સ્થિત ફેક્ટરીમાં પણ તપાસ માટે પહોંચી ગઈ છે.

હેવમોરનો આઈસ્ક્રીમ ખાતા પહેલા ચેતજો, આઈસ્ક્રીમના કોનમાંથી નીકળી ગરોળી@HavmorIceCreams #Gujarat #Ahmedabad #Maninagar #Havmor #IceCream #BigBreaking #GujaratFirst pic.twitter.com/txb2n7ISUS

— Gujarat First (@GujaratFirst) May 14, 2025

આ પણ વાંચોઃ Surat ના 'એક છોટી સી લવ સ્ટોરી' કિસ્સામાં શિક્ષિકાને મળી ગર્ભપાતની મંજૂરી

વારંવાર બનતી ઘટનાઓ

બહારથી મંગાવવામાં આવતા ખાદ્ય પદાર્થોમાં વારંવાર જીવાતો નીકળવાની ઘટનાઓ બને છે. અમદાવાદ જેવા શહેરમાં નાની અને લોકલ ફૂડ બ્રાન્ડ તો ઠીક પરંતુ અનેક મોટા ફૂડ જાયન્ટ્સની બ્રાન્ડના ખાદ્યપદાર્થોમાંથી પણ જીવાતો નિકળવાના કિસ્સા બને છે. હવે નાગરિકો ભરોસો કરે તો કોના પર કરે ? બહારથી મંગાવવામાં આવતા ખાદ્યપદાર્થોથી અનેક શાકાહારી પરિવારોને ક્ષોભમાં મુકાવવાના કિસ્સાઓ પણ બન્યા છે. આ ઉપરાંત સરકારી વિભાગોની કામગીરી પર પણ સવાલો ઉઠે છે. શું સરકારી અધિકારીઓ પોતાની ફરજ નિષ્ઠાથી બજાવવાને બદલે ઢીલો દોર મુકી દે છે. શું અધિકારીઓ કંઈક મેળવવાની લાલચમાં શહેરના નાગરિકોના આરોગ્ય સાથે ચેડા કરી રહ્યા છે ?

આ પણ વાંચોઃ Sabarkantha: રેલવે અંડરબ્રિજમાં વરસાદી પાણી ભરાતા ઈડરવાસીઓને હાલાકી, સરકારી જવાબ સાંભળીને ચોંકી જશો