Ahmedabad Nikol Girls Ruckus: ‘હવે આવું નહીં કરીએ...’નશામાં હંગામો ભારે પડ્યો, પોલીસ આવી પહોંચી, યુવતીઓએ માફી માગી

નશામાં ધમાલ બાદ પોલીસની કાર્યવાહી

મળતી માહિતી મુજબ, બંને યુવતીઓ નશાની હાલતમાં પારંતી આવાસમાં હોબાળો કરી રહી હતી. મોડી રાત્રે બનેલી આ ઘટનાથી સ્થાનિક લોકો પરેશાન થયા હતા. ઘટનાની જાણ પોલીસને કરવામાં આવતા પોલીસ ટીમે સ્થળ પર પહોંચી મામલો સંભાળ્યો હતો. પોલીસે બંને યુવતીઓને સમજાવીને તેમની હરકતો અંગે કડકાઈથી ટકોર કરી હતી. પોલીસની કાર્યવાહી બાદ યુવતીઓને પોતાની ભૂલનો અહેસાસ થયો હતો. ત્યારબાદ બંને યુવતીઓએ પોતાના વર્તન બદલ માફી માગી હતી.

‘હવેથી આવો તમાશો નહીં કરીએ’ કહી માફી માગી

પોલીસ સમક્ષ યુવતીઓએ હવેથી આ પ્રકારનો હંગામો નહીં કરવાની ખાતરી આપી હતી. પોતાની ભૂલ સ્વીકારી બંનેએ માફી માગી હતી. પોલીસની સમજાવટ બાદ મામલો થાળે પડ્યો હતો. આ ઘટનામાં ખાસ કરીને મોડી રાત્રે રહેણાંક વિસ્તારમાં નશાની હાલતમાં હંગામો કરવાના કારણે સ્થાનિકોમાં ચર્ચા જોવા મળી હતી. પોલીસની દરમિયાનગીરી બાદ સ્થિતિ કાબૂમાં આવી હતી.

ઘટનાનો વીડિયો સામે આવ્યો હોવાની ચર્ચા

આ ઘટનાને લઈને સોશિયલ મીડિયા પર પણ ચર્ચા જોવા મળી રહી છે. નિકોલના પારંતી આવાસમાં બનેલી ઘટનાએ રહેણાંક વિસ્તારમાં કાયદો અને વ્યવસ્થા જાળવવા અંગે સવાલો ઊભા કર્યા છે. જોકે, ઘટનાને લઈને પોલીસ તરફથી કરવામાં આવેલી કાર્યવાહી અને યુવતીઓએ માફી માગ્યા બાદ મામલો શાંત થયો હોવાનું જાણવા મળે છે. 30 સપ્ટેમ્બરની રાત્રે બનેલી આ ઘટનામાં બંને યુવતીઓએ પોતાના વર્તન બદલ માફી માગી હતી. પોલીસની સમજાવટ બાદ તેમણે ભવિષ્યમાં આવું વર્તન નહીં કરવાની ખાતરી આપી હતી.

આ પણ વાંચો----- Influencer simran Case: ઈન્ફ્યુએન્સર સિમરને ગાંધીજી પર કરી અભદ્ર ટિપ્પણી, વિવાદિત વીડિયોથી વકર્યો વિવાદ