Ahmedabad Plane Crash: કલોલથી કરુણ દ્રશ્યો, બપોરે 12:39 નો એ વીડિયો કોલ છેલ્લો સાબિત થયો! ગર્ભવતી પત્નીનું મોત!

12 વર્ષના સુખી લગ્નજીવનનો લોહિયાળ અંત

પ્રાપ્ત વિગતો અનુસાર, કલોલના ગુંજન કુમાર (Gunjan Kumar) અને જૈમિનિ (Jaimini) ના લગ્ન 12 વર્ષ પહેલાં થયા હતા. આ સુખી દંપતી છેલ્લા 3 વર્ષથી લંડન (London) ખાતે સ્થાયી થયું હતું અને ત્યાં રહેતું હતું. થોડા સમય પહેલા બંને વતન આવ્યા હતા, જેમાંથી ગુંજન કુમાર પોતાની નોકરીના કારણે ગત 21 મે ના રોજ લંડન પરત ફર્યા હતા. જ્યારે પત્ની જૈમિનિ બે મહિનાની ગર્ભવતી હોવાથી થોડા દિવસ રોકાઈને 12 જૂનના રોજ લંડન જવા માટે ફ્લાઇટમાં આવવા નીકળી હતી. ગુંજન કુમારે ભારે હૈયે જણાવ્યું કે તેમની પત્ની જૈમિનિ બે મહિનાની ગર્ભવતી (Pregnant) હતી, આમ પરિવારે એકસાથે બે જીવ ગુમાવ્યા છે.

બપોરે 12:39 વાગ્યે થયેલો છેલ્લો વીડિયો કોલ

ફ્લાઇટ પકડતા પહેલા બપોરે 12:39 વાગ્યે ગુંજન અને જૈમિનિ વચ્ચે છેલ્લી વખત વીડિયો કોલ (Video Call) પર વાતચીત થઈ હતી. જૈમિનિએ ખૂબ જ ઉત્સાહથી ગુંજનને કહ્યું હતું કે, "હું નીકળી ગઈ છું, મને લંડન એરપોર્ટ (London Airport) પર લેવા માટે આવી જજો." પરંતુ કુદરતને કંઈક બીજું જ મંજૂર હતું. આ વાતચીતના થોડા જ સમયમાં પ્લેન ક્રેશની ભયાનક દુર્ઘટના સર્જાઈ હતી. જે સમયે આ અકસ્માત થયો, તે સમયે ગુંજન લંડનમાં પોતાની કંપનીમાં કામ કરી રહ્યો હતો. પ્લેન ક્રેશના સમાચાર સાંભળતાની સાથે જ ગુંજન લંડનમાં જ બેભાન થઈ ગયો હતો.

દુર્ઘટના સ્થળે પત્નીનો ફોટો પકડી ધ્રુસકે-ધ્રુસકે રડ્યો પતિ

પત્ની અને પોતાના આવનારા સંતાનને ગુમાવવાના અસહ્ય દુઃખથી આખો પરિવાર શોકમાં ગરકાવ થઈ ગયો છે. લંડનથી તાત્કાલિક ભારત દોડી આવેલા ગુંજન કુમારે અકસ્માત સ્થળે પહોંચીને પત્ની જૈમિનિનો ફોટો (Photo) હાથમાં પકડીને ભાવુક શ્રદ્ધાંજલિ અર્પણ કરી હતી. પત્નીની તસવીર જોઈને પતિ ધ્રુસકે-ધ્રુસકે રડી પડતા ત્યાં હાજર તમામ લોકોની આંખો ભીની થઈ ગઈ હતી.

આ પણ વાંચો: Ahmedabad Plane Crash : Ahmedabad પ્લેન દુર્ઘટનાને 1 વર્ષ પૂર્ણ!