અમદાવાદ પોક્સો કોર્ટનો મોટો ચુકાદો, સગીરા પર દુષ્કર્મ કેસમાં આરોપીને 20 વર્ષની કેદ

વર્ષ 2021 માં સરખેજ વિસ્તારમાંથી કર્યું હતું અપહરણ

સમગ્ર કેસની વિગત અનુસાર, આ ચકચારી ઘટના વર્ષ 2021 માં અમદાવાદના સરખેજ (Sarkhej) પોલીસ સ્ટેશન વિસ્તારમાં બની હતી. આરોપી ધર્મેશ ડોડીયાએ 15 વર્ષની સગીરાને લલચાવી-ફોસલાવીને તેનું અપહરણ (Kidnapping) કર્યું હતું. આ બનાવ સંદર્ભે પીડિતાના પરિવારજનોની ફરિયાદના આધારે સરખેજ પોલીસ સ્ટેશને અપહરણ તેમજ પોક્સો એક્ટ (POCSO Act) હેઠળ ગુનો દાખલ કરીને આરોપીની ધરપકડ કરી હતી અને કાનૂની કાર્યવાહી શરૂ કરી હતી.

ગોંધી રાખીને અલગ-અલગ સ્થળોએ આચર્યું હતું દુષ્કર્મ

પોલીસ તપાસ અને કોર્ટમાં રજૂ થયેલા પુરાવા અનુસાર, આરોપી સગીરાનું અપહરણ કર્યા બાદ તેને જુદી-જુદી અજાણી જગ્યાઓએ લઈ ગયો હતો. ત્યાં સગીરાને બળજબરીપૂર્વક ગેરકાયદેસર અટકાયતમાં ગોંધી રાખીને તેની સાથે અવારનવાર દુષ્કર્મ (Rape) આચરવામાં આવ્યું હતું. આરોપી દ્વારા સગીરાને સતત ડરાવી-ધમકાવીને શારીરિક શોષણ કરવામાં આવતું હતું.

સરકારી વકીલની દલીલો અને પુરાવા ગ્રાહ્ય રાખી કોર્ટે ફટકારી સજા

આ કેસ અમદાવાદ ગ્રામ્ય કોર્ટની સ્પેશિયલ પોક્સો અદાલત સમક્ષ સુનાવણી પર આવ્યો હતો. સરકારી વકીલ (Special Public Prosecutor) દ્વારા પીડિતાની જુબાની, તબીબી તપાસના અહેવાલો (Medical Reports) તેમજ ફોરેન્સિક પુરાવા રજૂ કરવામાં આવ્યા હતા. બંને પક્ષોની દલીલો અને સચોટ દસ્તાવેજી પુરાવા ધ્યાને લીધા બાદ વિશેષ અદાલતે 30 વર્ષીય આરોપી ધર્મેશ ડોડીયાને દોષિત ઠેરવ્યો હતો અને 20 વર્ષની સખત કેદની સજાનો આદેશ આપ્યો હતો.

આ પણ વાંચો: Bhavnagar: ઈવા કોમ્પ્લેક્સમાં SEBIના દરોડા, 1500 કરોડના કૌભાંડ સાથે કનેકશનની આશંકા