Ahmedabad Rath Yatra Security: અમદાવાદમાં રથયાત્રાની સુરક્ષા માટેની મોકડ્રીલ યોજાઈ, ટીયર ગેસની અસરથી નાગરિકોને હાલાકી

Ahmedabad માં ટીયર ગેસ મોકડ્રીલથી લોકોને હાલાકી

રથયાત્રાની સુરક્ષાના ભાગરૂપે પોલીસ દ્વારા ટીયર ગેસના ગોળા છોડવાની તાલીમ આપવામાં આવી રહી હતી. આ પ્રક્રિયા દરમિયાન ટીયર ગેસનો ધુમાડો હવાની લહેરખી સાથે દૂર સુધી ફેલાઈ ગયો હતો. તેની તીવ્ર અસર નજીકના રિવરફ્રન્ટ રોડ સુધી પહોંચી હતી. આ કારણે તે વિસ્તારમાંથી પસાર થતા રાહદારીઓ અને વાહનચાલકોની આંખોમાં તીવ્ર બળતરા થવા લાગી હતી અને શ્વાસ લેવામાં પણ તકલીફ અનુભવાઈ હતી.

રસ્તા પર ટ્રાફિકની સમસ્યા

અચાનક ફેલાયેલા આ ગેસના કારણે વાહનચાલકો ગભરાઈ ગયા હતા, જેના લીધે રસ્તા પર ટ્રાફિકની સમસ્યા પણ સર્જાઈ હતી. સ્થાનિક નાગરિકોએ આ અંગે રોષ વ્યક્ત કરતા જણાવ્યું હતું કે, સુરક્ષાની તૈયારીઓ જરૂરી છે, પરંતુ આવી મોકડ્રીલ કરતી વખતે સામાન્ય જનતાને હાલાકી ન પડે તેનું ધ્યાન રાખવું જોઈએ. આ ઘટનાને પગલે રિવરફ્રન્ટ રોડ પરથી પસાર થતા લોકો કલાકો સુધી પરેશાન રહ્યા હતા.

આ પણ વાંચો: Kapadvanj fireworks factory blast: 11 દિવસની નાસભાગ બાદ ફેક્ટરી માલિક મિતુલ ઝડપાયો, તપાસમાં થશે મોટા ખુલાસા