Ahmedabad News : રિવરફ્રન્ટ પર યુવકનો આપઘાતનો પ્રયાસ, એલિસબ્રિજ પરથી કૂદવા જતા યુવકને પોલીસ-ફાયર ટીમે બચાવ્યો

પોલીસ અને ફાયર ટીમની સતર્કતાથી યુવક બચ્યો

ઘટનાની જાણ થતાં પોલીસ અને ફાયર વિભાગના જવાનો તાત્કાલિક સ્થળ પર પહોંચ્યા હતા. ટીમે સમયસર કાર્યવાહી કરી યુવકને સુરક્ષિત રીતે નીચે ઉતાર્યો હતો. ત્યારબાદ તેને તાત્કાલિક સારવાર માટે અમદાવાદ સિવિલ હોસ્પિટલ ખસેડવામાં આવ્યો હતો. પ્રાથમિક તપાસમાં યુવક માનસિક બીમારીથી પીડાતો હોવાની માહિતી સામે આવી છે. જોકે, તેણે આ પ્રકારનું પગલું શા માટે ભરવાનો પ્રયાસ કર્યો તે અંગે હજુ વધુ તપાસ કરવામાં આવી રહી છે.પોલીસ દ્વારા સમગ્ર ઘટનાની વિગતો મેળવવા માટે યુવકના પરિવારજનો તેમજ સંબંધિત લોકો પાસેથી માહિતી મેળવવાની કાર્યવાહી હાથ ધરવામાં આવી છે. હાલ યુવકને તબીબી સારવાર આપવામાં આવી રહી છે.

ઘટનાને પગલે તંત્રની સતર્કતા

એલિસબ્રિજ અને રિવરફ્રન્ટ વિસ્તાર શહેરમાં લોકોની અવરજવર ધરાવતો મહત્વનો વિસ્તાર છે. અહીં બનેલી ઘટનાને પગલે પોલીસ અને ફાયર વિભાગની ટીમે સમયસર પહોંચીને યુવકને સુરક્ષિત રીતે બચાવી લીધો હતો. સમગ્ર મામલે પોલીસ દ્વારા વધુ તપાસ હાથ ધરવામાં આવી છે.

આ પણ વાંચો :  Rajkot Fake Police: અસલી પોલીસના હાથે ઝડપાયો નકલી પોલીસ, રુ. 40 હજારનો મુદ્દામાલ જપ્ત