વસ્ત્રાલ રિંગ રોડ પર કરુણ ઘટના

અમદાવાદ (Ahmedabad) પૂર્વના વસ્ત્રાલ રિંગ રોડ ચાર રસ્તા પાસે આજે એક ગમખ્વાર અકસ્માત (Vastral Road Accident) સર્જાયો હતો. અહીંથી મોપેડ લઈને પસાર થઈ રહેલા પાયલબેન ગજ્જર નામની મહિલાને એક વાહને જોરદાર અડફેટે લીધી હતી. અકસ્માત ((Vastral Road Accident) એટલો ભયાનક હતો કે પાયલબેનનું ઘટનાસ્થળે જ કમકમાટીભર્યું મોત નીપજ્યું હતું.

આ પણ વાંચો :  Ahmedabad Accident: વૈષ્ણદેવી સર્કલ પાસે ST બસ-કાર વચ્ચે અકસ્માત, ફોર્ચ્યુંનર પડીકુ થઇ

પોલીસ પહોંચી ઘટનાસ્થળે, કાયદેસરની કાર્યવાહી હાથ ધરી - Vastral Road Accident

ઘટનાની જાણ થતા જ 'I' ડિવિઝન પોલીસનો કાફલો સ્થળ પર પહોંચી ગયો હતો. અકસ્માતને પગલે રસ્તા પર ટ્રાફિક જામ સર્જાયો હતો, જેને હળવો કરવા માટે પોલીસની ટીમ તાત્કાલિક જોતરાઈ હતી અને મૃતદેહને પોસ્ટમોર્ટમ માટે ખસેડવાની કામગીરી હાથ ધરી હતી.

ટ્રાફિક નિયમનનો અભાવ, તંત્રની ઢીલી નીતિ

ઉલ્લેખનીય છે કે શહેરમાં વાહનોની વધતી સંખ્યા અને ફુલ સ્પીડમાં વાહન ચલાવવાની લાયમાં અમદાવાદ (Ahmedabad) માં દરરોજ અકસ્માતોની હારમાળા સર્જાય છે. તો બીજી તરફ ટ્રાફિક સેન્સનો અભાવ, ટ્રાફિક નિયમોનું ઉલ્લંઘન અને બેફામ ગતિએ ચલાવવામાં આવતા વાહનો મુખ્યત્વે જવાબદાર માનવામાં આવે છે. ટ્રાફિક નિયમનના ભારે અભાવ અને ઓવરસ્પીડિંગ સામે તંત્રની ઢીલી નીતિને કારણે નિર્દોષ નાગરિકોના જીવ જઈ રહ્યા છે. વસ્ત્રાલની આ ઘટનાએ ફરી એકવાર માર્ગ સુરક્ષા અને ટ્રાફિક મેનેજમેન્ટ પર સવાલો ઊભા કર્યા છે.

આ પણ વાંચો :  Ahmedabad: BRTS ટ્રેકમાં ગૌવંશ ભરેલી કારનો અકસ્માત, કારમાં જોતાં લોકો ચોંક્યા!