Ahmedabad RTO માં ટેકનિકલ ખામી, ટુ-વ્હીલર Driving Test ની કામગીરી સંપૂર્ણ ઠપ્પ
- Ahmedabad RTOમાં ટેકનિકલ ખામી સર્જા
- ટુ-વ્હીલર ડ્રાઇવિંગની ટેસ્ટ બંધ કરાઈ
- વહેલી સવારથી આવેલા સેંકડો અરજદારો અટવાયા
- સર્વર ડાઉન હોવાને કારણે ટેસ્ટ ટ્રેકના કેમેરા બંધ
Ahmedabad RTO Driving Test Suspende: અમદાવાદની RTO કચેરીમાં આજે વહેલી સવારથી એક મોટી મુશ્કેલી સર્જાઈ છે. ટુ-વ્હીલર માટે લેવામાં આવતી ડ્રાઇવિંગ ટેસ્ટ (Driving Test) પ્રક્રિયા અચાનક અટકી ગઈ છે. આ સમસ્યા પાછળ મુખ્યત્વે સર્વર ડાઉન (Server Down) હોવાનું કારણ સામે આવ્યું છે. સિસ્ટમમાં ખામી સર્જાતા ટેકનિકલ માળખું સંપૂર્ણપણે નિષ્ક્રિય (Inactive) થઈ ગયું છે. આ પરિસ્થિતિને કારણે દૂર-દૂરથી આવેલા અરજદારોને ભારે હાલાકી ભોગવવી પડી રહી છે.
કેમેરા સિસ્ટમ બંધ થતા કામગીરી અટકી
RTOના ટેસ્ટ ટ્રેક પર લગાવેલા સીસીટીવી કેમેરા (CCTV Cameras) અચાનક બંધ થઈ ગયા છે. આ કેમેરાના રેકોર્ડિંગ વગર નિયમ મુજબ ટેસ્ટ લેવી શક્ય નથી. તંત્રએ સવારના સમયે થોડી ટેસ્ટ લીધા બાદ આ કામગીરી બંધ કરી દીધી છે. ટેકનિકલ ટીમ (Technical Team) હાલ આ ખામી સુધારવા માટે સતત પ્રયત્ન કરી રહી છે. અરજદારો ગરમી (Heat) અને પોતાનું કામકાજ છોડીને આવ્યા હોવા છતાં ટેસ્ટ આપી શક્યા નથી.
આ પણ વાંચો---- Vadodara : સાવલીમાં ગેસ સિલિન્ડર બ્લાસ્ટમાં 2 લોકો દાઝયા, ફાયર વિભાગે આગ પર મેળવ્યો કાબુ
અરજદારોમાં ભારે રોષ અને અસંતોષ
કોઈપણ પ્રકારની પૂર્વ સૂચના (Prior Notice) વગર પ્રક્રિયા બંધ કરી દેવામાં આવતા લોકોમાં રોષ જોવા મળી રહ્યો છે. લાયસન્સ (License) મેળવવા માટે આવેલા અનેક લોકોએ કલાકો સુધી લાંબી લાઈનોમાં રાહ જોવી પડી હતી. અંતે કોઈ ઉકેલ ન આવતા અરજદારોએ ધક્કા ખાઈને પરત ફરવાનો વારો આવ્યો છે. મુસાફરીનો ખર્ચ અને સમય બંને વેડફાતા લોકો તંત્રની બેદરકારી સામે સવાલો ઉઠાવી રહ્યા છે.
RTO તંત્રએ નવી તારીખોની કરી જાહેરાત
RTO અધિકારીઓએ પરિસ્થિતિ અંગે સ્પષ્ટતા કરી છે. ટેકનિકલ ખામીના કારણે જે અરજદારો આજે ટેસ્ટ આપી શક્યા નથી, તેમને રાહત આપવામાં આવશે. આવા તમામ અરજદારો આગામી 4 થી 8 મે (May) દરમિયાન ગમે ત્યારે આવીને પોતાની ટેસ્ટ આપી શકશે. આ માટે ફરીથી એપોઇન્ટમેન્ટ (Appointment) લેવાની જરૂર રહેશે નહીં. હાલમાં ટેસ્ટ ટ્રેક પર કામગીરી સુધારવા માટેની પ્રક્રિયા તેજ ગતિએ ચાલી રહી છે.
આ પણ વાંચો---- Diu PSI News: ACBને થાપ આપી ફરાર થનાર ઘોઘલાના PSI બલેન્દ્ર અજમેદો સસ્પેન્ડ