Ahmedabad Accident: 24 વર્ષિય યુવકને ટુ-વ્હીલરે મારી ટક્કર, બાજુમાંથી પસાર થતી ટ્રક ફરી વળતાં મોત

ટુ-વ્હીલરની ટક્કર બાદ યુવક રોડ પર પટકાયો

મળતી માહિતી પ્રમાણે ભીમકુમાર પગપાળા રસ્તો ક્રોસ કરી રહ્યો હતો. આ દરમિયાન પૂરપાટ ઝડપે આવી રહેલી ટુ-વ્હીલર ચાલક મહિલાએ યુવકને જોરદાર ટક્કર મારી હતી. ટક્કર એટલી ગંભીર હતી કે યુવક રોડ પર પટકાયો હતો. અકસ્માત બાદ આસપાસના વિસ્તારમાં અફરાતફરીનો માહોલ સર્જાયો છે.

યુવક પર ટ્રકનું ટાયર ફરી વળ્યું

ટુ-વ્હીલરની ટક્કરથી રોડ પર પટકાયેલા ભીમકુમાર પર બાજુમાંથી પસાર થઈ રહેલી ટ્રકનું ટાયર ફરી વળ્યું. જેના કારણે તેના માથા સહિત શરીરના અન્ય ભાગોમાં ગંભીર ઈજાઓ પહોંચી હતી. ઈજાઓ એટલી ગંભીર હતી કે ભીમકુમારનું ઘટનાસ્થળે જ કરુણ મોત થયું છે.

અકસ્માત બાદ બંને વાહનચાલકો ફરાર

અકસ્મતની ગંભીર ઘટના બાદ ટુ-વ્હીલર ચાલક મહિલા પોતાનું વાહન લઈને સ્થળ પરથી ફરાર થઈ ગઈ હતી. બીજી તરફ, ટ્રક ચાલક પણ ટ્રક સ્થળ પર મૂકીને ત્યાંથી નાસી ગયો હોવાનું સામે આવ્યું છે. ઘટનાની જાણ થતાં ટ્રાફિક પોલીસ સ્થળ પર પહોંચી હતી અને અકસ્માત અંગેની તપાસ શરૂ કરી છે.

M ડિવિઝન ટ્રાફિક પોલીસે તપાસ તેજ કરી

આ મામલે M ડિવિઝન ટ્રાફિક પોલીસે બંને અજાણ્યા વાહનચાલકો વિરુદ્ધ ગુનો નોંધી વધુ તપાસ હાથ ધરી છે. પોલીસે અકસ્માત સ્થળ અને આસપાસના વિસ્તારોમાં લાગેલા CCTV ફૂટેજ તપાસવાનું શરૂ કર્યું છે. સાથે જ હ્યુમન ઈન્ટલિજન્ટ (Human Intelligence) ના આધારે ફરાર ટુ-વ્હીલર ચાલક મહિલા અને ટ્રક ચાલકની શોધખોળ કરવામાં આવી રહી છે. અકસ્માતની સમગ્ર ઘટનાને લઈને પોલીસ દ્વારા વધુ તપાસ ચાલી રહી છે.

આ પણ વાંચોઃ Surendranagar Accident: લીંબડી-રાજકોટ હાઈવે પર કાર અને બાઈક વચ્ચે ભયાનક ટક્કર, બે યુવકના મોત

આ પણ વાંચોઃ Banaskantha Car Accident: અમીરગઢ નજીક નાળામાં કાર ખાબકી, 5 મિત્રોનો ચમત્કારિક બચાવ