Ahmedabad: ભારે વરસાદથી પડેલી રજાઓને લઇ નિર્ણય, રવિવારે સ્વૈચ્છિક રીતે શાળાઓ ચાલુ રાખી શકાશે

ઓગસ્ટ મહિનામાં રવિવારે પણ સ્વૈચ્છિક રીતે શાળાઓ ચાલુ રાખી શકશે

મળતી માહિતી મુજબ, અમદાવાદમાં ભારે વરસાદને કારણે પડેલી રજાઓની ભરપાઈ કરવા માટે શૈક્ષણિક તંત્ર દ્વારા વિશેષ છૂટછાટ આપવામાં આવી છે. આ પરિપત્ર અનુસાર, શાળાઓ આગામી ઓગસ્ટ મહિનામાં રવિવારે પણ સ્વૈચ્છિક રીતે શાળાઓ ચાલુ રાખી શકશે (Schools Open on Sunday). જે શાળાઓ અભ્યાસક્રમ પાછળ રહી ગયો છે તેની પૂર્તિ કરવા માંગતી હોય તેઓ રવિવારે પણ શાળાઓમાં વર્ગો ચલાવીને વિદ્યાર્થીઓનો અભ્યાસ પૂર્ણ કરાવી શકશે.

Ahmedabad: વિદ્યાર્થીઓના અભ્યાસમાં થયેલા વિક્ષેપની ભરપાઈ કરવાનો

આ નિર્ણયનો મુખ્ય ઉદ્દેશ્ય વિદ્યાર્થીઓના અભ્યાસમાં થયેલા વિક્ષેપની ભરપાઈ કરવાનો (Study Loss Recovery) છે, જેથી બોર્ડની કે અન્ય પરીક્ષાઓ વખતે બાળકો પર માનસિક દબાણ ન આવે. જોકે, આ વ્યવસ્થા સંપૂર્ણપણે સ્વૈચ્છિક રાખવામાં આવી છે જેથી શાળાઓ પોતાની અનુકૂળતા મુજબ નિર્ણય લઈ શકે. જિલ્લા શિક્ષણ અધિકારીના આ પરિપત્રથી શાળાઓને અભ્યાસક્રમ સમયસર પૂરો કરવામાં મોટી રાહત મળશે. વાલીઓ અને સંચાલકો દ્વારા આ પગલાંને આવકારવામાં આવી રહ્યું છે, કારણ કે તેનાથી બાળકોનું ભણતર બગડતું અટકશે.

આ પણ વાંચો: Mark Zuckerberg એ Meta પ્લેટફોર્મ પર CSAM, ડીપફેક અને અલ્ગોરિધમની ભૂલો માટે માંગી માફી