Ahmedabad News: અમદાવાદ SG હાઈવે પર હચમચાવતી ઘટના! 32 માળની બિલ્ડીંગની ક્રેન પર લટકતો મળ્યો યુવકનો મૃતદેહ

ક્રેન ઓપરેટર તરીકે કરતો હતો કામ, મૂળ ઝારખંડનો હતો યુવક

પ્રાપ્ત વિગતો અનુસાર, મૃતક યુવકનું નામ પ્રીતમસિંહ હતું અને તે મૂળ ઝારખંડનો રહેવાસી હતો. પ્રોજેક્ટ એન્જિનિયર દર્શન જોશીના જણાવ્યા મુજબ, પ્રીતમસિંહ છેલ્લા 4 મહિનાથી આ જ કન્સ્ટ્રક્શન સાઈટ પર ક્રેન ઓપરેટર તરીકે નોકરી કરતો હતો. પ્રાથમિક તપાસમાં વહેલી સવારે 2 વાગ્યા પછી તેણે આ પગલું ભર્યું હોવાની આશંકા વ્યક્ત કરવામાં આવી રહી છે. સવારે અંદાજે 8 વાગ્યાના અરસામાં સાઈટ પર કામ કરતા મજૂરોએ 32 માળની ઉપર ક્રેઈન સાથે યુવકનો મૃતદેહ લટકતી હાલતમાં જોયો હતો, જેના કારણે હડકંપ મચી ગયો હતો.

પારિવારિક ઝઘડાની શંકા અને પોલીસ કાર્યવાહી

યુવકે કયા કારણોસર આ આત્મહત્યા કરી તે અંગે હજુ સુધી સત્તાવાર કારણ બહાર આવ્યું નથી, પરંતુ પ્રાથમિક અનુમાન લગાવાઈ રહ્યું છે કે પારિવારિક ઝઘડાને કારણે તેણે આત્યંતિક પગલું ભરીને પોતાનું જીવન ટૂંકાવ્યું છે. ઘટનાની જાણ થતાં જ સ્થાનિક પોલીસ અને ફાયર બ્રિગેડનું તંત્ર તાત્કાલિક ઘટનાસ્થળે દોડી આવ્યું હતું. 300 ફૂટની ભારે ઊંચાઈએ ક્રેઈન પર લટકી રહેલા મૃતદેહને નીચે ઉતારવા માટે ફાયર બ્રિગેડ દ્વારા ભારે જહેમત અને કવાયત હાથ ધરવામાં આવી હતી. હાલ પોલીસ દ્વારા આ મા્રે વધુ તપાસ શરૂ કરવામાં આવી છે.

અમદાવાદ SG હાઈવે પર બની ગંભીર ઘટના
છારોડી તળાવ સામે હાઈરાઈઝ બિલ્ડીંગનું બાંધકામ
32 માળની ક્રેન પર લટકતો મળ્યો મૃતદેહ#Ahmedabad #SGHighway #Chharodi #AhmedabadNews #BreakingNews #GujaratNews #ConstructionSite #PoliceInvestigation #GujaratFirst pic.twitter.com/u1C5ae0vhV

— Gujarat First (@GujaratFirst) August 12, 2026

આ પણ વાંચો: Vadnagar Heritage Reel Contest 2026: 'શ્રાવણોત્સવ 2026 ' અંતર્ગત વડનગરના ભવ્ય વારસા પર રીલ સ્પર્ધા, આજે ભાગ લેવાનો અંતિમ દિવસ