Ahmedabad : ચાંદીમાં રોકાણના નામે ચોપડયો ચૂનો!, 40 લોકો સાથે 10.67 કરોડની ઠગાઈ

આ બંને આરોપીઓએ આસપાસના વિસ્તારના આશરે 40 જેટલા નાગરિકોને ચાંદીમાં રોકાણ કરવાથી ટૂંકા સમયમાં મોટો નફો મળશે તેવી લાલચ આપી હતી. આ વિશ્વાસને આધારે પીડિતોએ કુલ 10.67 કરોડ રૂપિયાનું જંગી રોકાણ કર્યું હતું. સમય વીત્યા બાદ જ્યારે રોકાણકારોએ નફા કે પોતાની મૂળ રકમની માંગણી શરૂ કરી, ત્યારે સંચાલકોએ ઉઘરાણીમાં આડોડાઈ કરવાનું શરૂ કર્યું હતું.

મામલો વધુ બિચકતા આરોપીઓએ દુકાન અને મકાનને તાળા મારીને ત્યાંથી નાસી છૂટ્યા હતા. આ માོમલે ભોગ બનનાર લોકોએ પોલીસ મથકે ફરિયાદ નોંધાવતા પોલીસે સક્રિયતા દાખવી ઘનશ્યામ સોની અને યશ સોનીની ધરપકડ કરી લીધી છે. હાલ પોલીસે બંને આરોપીઓના પાંચ દિવસના રિમાન્ડ મેળવીને આ સમગ્ર નેટવર્ક અને નાણાકીય વ્યવહારો અંગે વધુ તપાસ હાથ ધરી છે.