Ahmedabad traffic police News: અમદાવાદમાં ટ્રાફિક પોલીસનો 'તોડપાણી' નો વીડિયો વાયરલ, 300 રૂપિયાની કટકી લેતા કેમેરામાં કેદ!

વીડિયોમાં શું જોવા મળ્યું?

વાયરલ વીડિયો મુજબ, એસ.જી. હાઈવે પર નો-પાર્કિંગમાં રહેલી કારના ટાયરમાં લોક લગાવેલું હતું. કારચાલક પાસેથી આ લોક ખોલવાના બદલામાં ટ્રાફિક પોલીસની હાજરીમાં રૂપિયાની માંગણી કરવામાં આવી હતી.

રૂપિયાની લેવડદેવડ

કારચાલક પાસેથી 300 રૂપિયા પડાવતા હોવાનું સ્પષ્ટપણે વીડિયોમાં દેખાઈ રહ્યું છે. આ સમગ્ર ઘટનામાં પોલીસકર્મીની સાથે લોક ખોલનાર એક ખાનગી વ્યક્તિ પણ સામેલ હોવાનું જણાય છે.

પોલીસની છબી પર સવાલ

એક તરફ ટ્રાફિક નિયમોના પાલન માટે પોલીસ કાર્યરત છે, ત્યારે બીજી તરફ આવી રીતે જાહેરમાં 'તોડ' (લાંચ) લેતા વીડિયો સામે આવતા પોલીસની છબી ખરડાઈ રહી છે. આ વીડિયો વાયરલ થતાં જ લોકોમાં રોષ જોવા મળી રહ્યો છે.

તપાસની માંગ

વીડિયો વાયરલ થયા બાદ લોકો દ્વારા માંગ કરવામાં આવી રહી છે કે, શું આ ટ્રાફિક પોલીસકર્મીઓ અને તેમની સાથે કામ કરતા ખાનગી કર્મચારીઓ દ્વારા નિયમિતપણે આવી રીતે તોડ કરવામાં આવે છે? શું આ રકમ સરકારી તિજોરીમાં જતી હતી કે પછી કોઈના ખિસ્સામાં? હવે જોવાનું એ રહેશે કે અમદાવાદ ટ્રાફિક પોલીસના ઉચ્ચ અધિકારીઓ આ મામલે શું કાર્યવાહી કરે છે.

આ પણ વાંચો: Ahmedabad Fake Plasma Scam : મહારાષ્ટ્ર બ્લડ બેંક સાથે સંકળાયેલા બે આરોપી ઝડપાયા, ધરપકડનો આંકડો 7 પર પહોંચ્યો