Ahmedabad: BGMI ગેમ રમવાની બબાલ બની યુવાન માટે ઘાતક

મૃતદેહ પીએમ માટે સિવિલ હોસ્પિટલ મોકલવામાં આવ્યો

ઉલ્લેખનીય છે કે ગાયકવાડ હવેલી પોલીસ સ્ટેશન અને ક્રાઇમ બ્રાન્ચ કચેરીથી 100 મીટરના અંતરે યુવાનની છરીના ઘા મારી હત્યા કરાઈ છે. મોડી રાતે બે યુવકો વચ્ચે BGMI ગેમ રમવા બાબતે થયેલી બોલાચાલીની અદાવત રાખીને યુવકની હત્યા કરાઈ છે. ગાયકવાડ હવેલી પોલીસે આ કેસમાં બે આરોપી લાલો રાઠોડ અને તેના મિત્ર શાહિદખાન પઠાણની ધરપકડ કરી છે અને મૃતદેહ પીએમ માટે સિવિલ હોસ્પિટલ મોકલવામાં આવ્યો છે.

Ahmedabad: અદાવતમાં આ ખૂની ખેલ ખેલવામાં આવ્યો

યુવાનોના ઝઘડામાં સમાધાન થયા બાદ પણ અન્ય યુવાને તેના સાગરીતો સાથે મળીને યુવકની ઉપરાછાપરી છરીઓના ઘા મારીને મોતને ઘાટ ઉતારી દિધો છે. આ કેસમાં પોલીસે બે આરોપીઓની ધરપકડ કરી છે. તથા અન્ય આરોપીઓની શોધખોળ ચાલી રહી છે. બે દિવસ પહેલા આરોપી BGMI (બેટલ ગ્રાઉન્ડ મોબાઈલ ઈન્ડીયા) રમી રહ્યો હતો ત્યારે મૃતક યુવક સાથે તેને બોલાચાલી થઈ હતી જેની અદાવતમાં આ ખૂની ખેલ ખેલવામાં આવ્યો છે.

હુમલો એટલો ભયાનક હતો કે તેનું ઘટનાસ્થળે જ મોત

જમાલપુર પીરભાઈ ધોબીની ચાલીના મકાન નંબર 3માં રહેતા જયેશ બાબુભાઈ ઓડએ ગાયકવાડ હવેલી પોલીસ સ્ટેશનમાં લાલો રાઠોડ અને તેના મિત્રો વિરૂદ્ધ હત્યાની ફરિયાદ કરી છે. જયેશ ઓડ સંયુક્ત પરિવારમાં રહે છે અને ગઈકાલે મોડીરાતે તેના ભાઈની ઘાતકી હત્યા થઈ ગઈ છે. જયેશ રાઠોડનો ભાઈ આકાશ નોકરીથી ઘરે આવી રહ્યો હતો ત્યારે તેના પર હુમલો થયો હતો. હુમલો એટલો ભયાનક હતો કે તેનું ઘટનાસ્થળે જ મોત થયુ છે.

આ પણ વાંચો: Surat: શહેરના ટેક્સટાઇલ મેનેજરે લક્ઝરીયસ કારમાં કર્યું હીન કૃત્ય