Ambalal Patel Forecast: આગામી 48 કલાક ગુજરાત માટે ભારે! અંબાલાલ પટેલે નકશા સાથે સમજાવી વરસાદની સ્થિતિ

અમદાવાદ અને ગાંધીનગર માટે એલર્ટ

રાજ્યના પાટનગર ગાંધીનગર (Gandhinagar) અને આર્થિક પાટનગર અમદાવાદ (Ahmedabad) શહેરમાં આગામી 48 કલાક ખૂબ જ ભારે રહેવાની સંભાવના છે. આ બંને મોટા શહેરોમાં નીચાણવાળા વિસ્તારોમાં પાણી ભરાવાની અને જનજીવન પ્રભાવિત થવાની પૂરેપૂરી શક્યતા છે. વહીવટી તંત્રને પણ એલર્ટ રહેવા સૂચના આપવામાં આવી છે.

દક્ષિણ ગુજરાતમાં અનરાધાર વરસાદ અને પૂરનું સંકટ

સૌથી વધુ ચિંતાજનક પરિસ્થિતિ દક્ષિણ ગુજરાતમાં (South Gujarat) જોવા મળી શકે છે. અંબાલાલ પટેલની આગાહી મુજબ, દક્ષિણ ગુજરાતના વિવિધ ભાગોમાં આગામી સમયમાં અનરાધાર અને મૂસળધાર વરસાદ તૂટી પડશે. આ અતિભારે વરસાદને કારણે દક્ષિણ ગુજરાતની નદીઓમાં પૂર (Flood) આવવાની ગંભીર શક્યતા સેવાઈ રહી છે. કિનારાના ગામોને સાવચેત રહેવા જણાવાયું છે.

સૌરાષ્ટ્ર, ઉત્તર ગુજરાત અને કચ્છની સ્થિતિ

સૌરાષ્ટ્રના (Saurashtra) ભાવનગર (Bhavnagar) અને અમરેલી (Amreli) જિલ્લાઓમાં પણ આગામી સમયમાં સારો એવો વરસાદ પડવાની શક્યતા છે. આ ઉપરાંત સુરેન્દ્રનગર જિલ્લાના હળવદ (Halvad), ધ્રાંગધ્રા (Dhrangadhra) તેમજ મોરબી (Morbi) અને કચ્છ (Kutch) જિલ્લાના વિસ્તારોમાં પણ મેઘમહેર જોવા મળશે. ઉત્તર ગુજરાતની વાત કરીએ તો મહેસાણા (Mehsana), પાટણ (Patan), બનાસકાંઠા (Banaskantha) અને સાબરકાંઠા (Sabarkantha) જિલ્લાઓમાં પણ ગાજવીજ સાથે મધ્યમથી ભારે વરસાદની આગાહી કરવામાં આવી છે.

બંગાળના ઉપસાગરમાં નવી સિસ્ટમ

આગામી 8 અને 9 જુલાઈએ બંગાળના ઉપસાગરમાં એક નવી લો-પ્રેશર સિસ્ટમ (Weather System) સક્રિય થવા જઈ રહી છે. આ નવી સિસ્ટમ સક્રિય થવાના કારણે ગુજરાતમાં ફરી એકવાર વરસાદનો નવો રાઉન્ડ શરૂ થશે અને સાર્વત્રિક સારો વરસાદ નોંધાશે. આ સાથે જ પાડોશી રાજ્ય મધ્યપ્રદેશમાં (Madhya Pradesh) થઈ રહેલા ભારે વરસાદના કારણે ગુજરાતની જીવાદોરી સમાન નર્મદા ડેમમાં (Narmada Dam) પાણીની વિપુલ પ્રમાણમાં આવક થશે, જે ગુજરાત માટે રાહતના સમાચાર છે.

આ પણ વાંચો: South Gujarat Rain: દક્ષિણ ગુજરાત બેટમાં ફેરવાયું! ચીખલીમાં 8 ઈંચ અને વલસાડમાં 7 ઈંચ, 27 રસ્તાઓ બંધ