Ahmedabad: પૂર્વ કોર્પોરેટર પોલીસ જાપ્તામાં ફોર્મ ભરશે, નડિયાદથી અમદાવાદ ચુસ્ત પોલીસ બંદોબસ્ત સાથે લવાશે
- અમદાવાદ (Ahmedabad) માં પૂર્વ કોર્પોરેટર પોલીસ જાપ્તામાં ફોર્મ ભરશે
- તસ્લીમ તિરમીજી (Taslim Tirmizi) ની જમીન કેસમાં ધરપકડ કરવામાં આવી
- બોગસ ખેડૂત બનવાના મામલે ખેડા LCBની કાર્યવાહી
- 26 વર્ષ જૂના બોગસ પેઢીનામાનો મામલો ગરમાયો
- હાલ રિમાન્ડ હેઠળ રહેલા તસ્લીમ ફોર્મ ભરશે
- કોર્ટે પોલીસ જાપ્તા સાથે ફોર્મ ભરવા મંજૂરી આપી
Ahmedabad Former Councilor Taslim Tirmizi : અમદાવાદ (Ahmedabad)મહાનગરપાલિકાની ચૂંટણીના જંગમાં બહેરામપુરા (Behrampura) વિસ્તાર ફરી એકવાર ચર્ચામાં આવ્યો છે. કોંગ્રેસ (Congress) ના પૂર્વ કોર્પોરેટર તસ્લીમ તિરમીજી (Taslim Tirmizi) જેમની હાલમાં ખેડા એલસીબી (Kheda LCB) દ્વારા ધરપકડ કરવામાં આવી છે, તેઓ આજે પોલીસ જાપ્તામાં ઉમેદવારી ફોર્મ ભરવા આવશે.
અમદાવાદ (Ahmedabad) માં પૂર્વ કોર્પોરેટર તસ્લીમ તિરમીજી પોલીસ જાપ્તામાં ભરશે ફોર્મ
તસ્લીમ તિરમીજી પર 26 વર્ષ જૂના એક કેસમાં ગંભીર આરોપો લાગ્યા છે. આરોપ છે કે તેમણે ખોટા અને બોગસ પેઢીનામા (Bogus Pedhinama) તૈયાર કરી ખેડૂત ખાતેદાર બન્યા હતા. આ 'બોગસ ખેડૂત' (Bogus Farmer) બનવાના મામલે ખેડા એલસીબીએ કાર્યવાહી કરતા તેમની ધરપકડ કરી છે અને હાલ તેઓ રિમાન્ડ હેઠળ છે.
કોર્ટએ આપી મંજૂરી
ચૂંટણી લડવા માટે તસ્લીમ તિરમીજીના વકીલોએ કોર્ટમાં ઉમેદવારી ફોર્મ ભરવા માટે મંજૂરી માંગી હતી. કોર્ટે આ વિનંતી ગ્રાહ્ય રાખીને પોલીસ જાપ્તા (Police Convoy) સાથે ફોર્મ ભરવાની મંજૂરી આપી છે. જેને પગલે આજે તેમને નડિયાદ (Nadiad) થી અમદાવાદ ચુસ્ત પોલીસ સુરક્ષા હેઠળ લાવવામાં આવશે.
બહેરામપુરા બેઠક પરથી નોંધાવશે ઉમેદવારી
તસ્લીમ તિરમીજી બહેરામપુરા વિસ્તારની કચેરીમાં પોતાનું ઉમેદવારી પત્ર (Nomination Paper) નોંધાવશે. ચૂંટણીના ટાણે જ કાયદાકીય ગુંચમાં ફસાયેલા પૂર્વ કોર્પોરેટર માટે આ વખતનો જંગ ઘણો મુશ્કેલ માનવામાં આવી રહ્યો છે. જેલના સળિયા પાછળથી ચૂંટણી લડવા માટેની તેમની આ કાયદાકીય લડત રાજકીય વર્તુળોમાં પણ ભારે કુતૂહલ જગાડી રહી છે.
આ પણ વાંચો: Surat: યાદી જાહેર થતા બબાલ! 'આયાતી' ઉમેદવારને ટિકિટ મળતા કાર્યકરો નારાજ, મધરાતે ભાજપ કાર્યાલય ખાતે પહોંચ્યા