Ahmedabad : AMC ટેન્ડરના નામે છેતરપિંડી

અમદાવાદ મ્યુનિસિપલ કોર્પોરેશન (AMC)ના ટેન્ડર અને સર્ટિફિકેટના નામે ચાંગોદરના એક વેપારી સાથે 18 લાખ રૂપિયાની ઠગાઈ આચરવામાં આવી હતી. સર્ટિફિકેટ આપવાના બદલામાં વેપારી પાસેથી 9.60 લાખ રૂપિયા પડાવનાર આ કૌભાંડનો મુખ્ય સૂત્રધાર રાહુલ શર્મા તેમજ તેના સાગરિતો વિપુલ અને અમનને પોલીસે ઝડપી પાડ્યા છે. આરોપીઓ દ્વારા AMCમાં ટેન્ડર અપાવવાની લાલચ આપી મોટાપાયે છેતરપિંડી કરવામાં આવી હતી, જેને લઈને પોલીસે ત્રણેય આરોપીઓની ધરપકડ કરી વધુ તપાસ હાથ ધરી છે.