Ahmedabad ના શિવાલયોમાં હર હર ભોળેના નાદ, પારમેશ્વર મહાદેવ મંદિરે ભક્તોનું ઘોડાપૂર
- અમદાવાદ (Ahmedabad) ના શિવાલયોમાં હર હર ભોળેના નાદ
- શહેરના શિવાલયોમાં ભક્તોની ભારે ભીડ
- પારમેશ્વર મહાદેવ (Parameshwar Mahadev) ના દર્શન કરવા ભક્તોની ભીડ
- હર હર મહાદેવના નાદ સાથે ગૂંજી ઉઠ્યા શિવાલય
- ગુજરાત ફર્સ્ટ (Gujarat first) ન્યૂઝ પર પારમેશ્વર મંદિરથી LIVE
Ahmedabad: આજે પવિત્ર મહાશિવરાત્રી (Maha Shivratri 2026) નો મહાપર્વ છે. દેવોના દેવ મહાદેવની આરાધનાના આ પવિત્ર દિવસે સમગ્ર અમદાવાદ શહેર શિવમય બની ગયું છે. વહેલી સવારથી જ શહેરના નાના-મોટા તમામ શિવાલયોમાં ભક્તોની ભારે ભીડ જોવા મળી રહી છે. મંદિરોમાં 'હર હર મહાદેવ' અને 'બમ બમ ભોલે'ના ગગનભેદી નાદ ગુંજી રહ્યા છે, જેનાથી સમગ્ર વાતાવરણમાં એક અનેરી આધ્યાત્મિક ઊર્જાનો સંચાર થયો છે.
અમદાવાદ (Ahmedabad) ના પારમેશ્વર મહાદેવ મંદિરે આસ્થાનું ઘોડાપૂર
શહેરના જાણીતા પારમેશ્વર મહાદેવ મંદિર ખાતે આજે વહેલી સવારથી જ ભક્તો દર્શન માટે કતારબદ્ધ જોવા મળ્યા હતા. ભક્તોમાં મહાદેવના દર્શન કરવા માટે અનેરો ઉત્સાહ જોવા મળી રહ્યો છે. શિવભક્તો જળાભિષેક, દુગ્ધાભિષેક અને બિલીપત્ર ચઢાવીને ભોળાનાથને પ્રસન્ન કરી રહ્યા છે. શ્રદ્ધાળુઓની સુરક્ષા અને સુવિધા માટે મંદિર પ્રશાસન દ્વારા ચુસ્ત બંદોબસ્ત પણ કરવામાં આવ્યો છે.
ગુજરાત ફર્સ્ટ ન્યૂઝ પર સીધું પ્રસારણ
મહાશિવરાત્રીના આ પાવન અવસરે ભક્તો ઘરે બેઠા મહાદેવના દર્શન કરી શકે તે માટે ગુજરાત ફર્સ્ટ ન્યૂઝ દ્વારા પારમેશ્વર મહાદેવ મંદિરથી સીધું પ્રસારણ (LIVE) કરવામાં આવી રહ્યું છે. શિવાલયમાં થતી વિશેષ પૂજા, આરતી અને ભક્તોના ઉત્સાહના દ્રશ્યો લાઈવ કવરેજ દ્વારા લોકો સુધી પહોંચાડવામાં આવી રહ્યા છે.
શહેરભરમાં ઉત્સવનો માહોલ
માત્ર પારમેશ્વર મહાદેવ જ નહીં, પરંતુ શહેરના ઘણા પ્રાચીન મંદિરોમાં પણ ભક્તોની ભારે ભીડ ઉમટી છે. ભક્તોની અતૂટ શ્રદ્ધા અને ભક્તિને કારણે આજે અમદાવાદના માર્ગો પર પણ શિવભક્તિનો રંગ જોવા મળી રહ્યો છે. મોડી રાત સુધી મંદિરોમાં ભજન-કીર્તન અને શિવ આરાધનાનો દોર ચાલુ રહેશે.
આ પણ વાંચો: Maha Shivratri 2026: મહાશિવરાત્રી પર દુર્લભ સંયોગ, શિવજીની કૃપાથી આ રાશિના જાતકો પર થશે ધનવર્ષા