Gujarat High Court ને મળ્યું નવું આર્બિટ્રેશન સેન્ટર, CM ભૂપેન્દ્રભાઈ પટેલના હસ્તે ભૂમિપૂજન
- મુખ્યમંત્રી ભુપેન્દ્રભાઈ પટેલ (CM Bhupendra Patel) ગુજરાત હાઈકોર્ટ (Gujarat High Court) ની મુલાકાતે પહોંચ્યા
- હાઈકોર્ટ ખાતે નવા આર્બિટ્રેશન સેન્ટર (Arbitration Center)નું કર્યું ભૂમિપૂજન
- કોર્ટ બહાર વાણિજ્યિક અને નાગરિક વિવાદોના ઉકેલ માટે સેન્ટર બનશે મહત્વપૂર્ણ
- CM ભૂપેન્દ્રભાઈ પટેલે ઝડપી ન્યાય પ્રણાલી પર આપ્યો ભાર
Ahmedabad: ગુજરાતના મુખ્યમંત્રી ભૂપેન્દ્રભાઈ પટેલે (CM Bhupendra Patel) આજે ગુજરાત હાઈકોર્ટ (Gujarat High Court) ની મુલાકાત લીધી હતી, જ્યાં તેમણે નવા આર્બિટ્રેશન સેન્ટરનું (Arbitration Center) વિધિવત ભૂમિપૂજન કર્યું હતું. આ પ્રસંગે સંબોધન કરતા મુખ્યમંત્રીએ જણાવ્યું હતું કે, પ્રધાનમંત્રી નરેન્દ્ર મોદીના નેતૃત્વમાં દેશમાં ન્યાય પ્રક્રિયાને ઝડપી અને વધુ સુલભ બનાવવા માટે અનેક મહત્વના પગલાં લેવામાં આવ્યા છે.
Gujarat High Court ને મળ્યું નવું આર્બિટ્રેશન સેન્ટર
મુખ્યમંત્રીએ ભારપૂર્વક જણાવ્યું કે ગુજરાત એક અગ્રણી વેપાર અને ઔદ્યોગિક રાજ્ય (Industrial State) છે. જેમ જેમ વેપાર વધે છે, તેમ તેમ વ્યવસાયિક તકરારોમાં પણ વધારો થવો સ્વાભાવિક છે. આ પરિસ્થિતિમાં 'સ્ટેટ ઓફ આર્ટ' આર્બિટ્રેશન હબ મધ્યસ્થી તરીકે કામ કરી પક્ષકારોને કોર્ટની બહાર ઝડપી ન્યાય અપાવશે. આ સેન્ટર શરૂ થવાથી હાઈકોર્ટ પરનો કેસોનો બોજ (Legal Burden) ઘટશે અને અરજદારોને સમયસર ન્યાય મળશે.
ન્યાયિક માળખા માટે બજેટરી જોગવાઈ
ગુજરાત સરકાર રાજ્યના ન્યાયિક માળખાને મજબૂત કરવા માટે કટિબદ્ધ છે. આ વર્ષે રાજ્યના બજેટમાં (Gujarat Budget 2026) કોર્ટ સંકુલ અને ન્યાયિક સુવિધાઓ માટે રુ. 2700 કરોડની માતબર રકમની ફાળવણી કરવામાં આવી છે. ન્યાય પ્રણાલીને વધુ પારદર્શક અને સુવ્યવસ્થિત બનાવવા માટે ડિજિટલ ટેકનિક અને ઓનલાઇન કોર્ટની વ્યવસ્થા પર પણ ભાર મુકવામાં આવ્યો છે.
બંધારણના 75 વર્ષ અને ગાંધીજીના મૂલ્યો
બંધારણના 75 વર્ષની ઉજવણીનો ઉલ્લેખ કરતા મુખ્યમંત્રીએ કહ્યું કે, "ભારતનું બંધારણ (Constitution of India) દરેક નાગરિકને ન્યાય મેળવવાનો અધિકાર આપે છે. મહાત્મા ગાંધી પણ માનતા હતા કે વકીલોનું મુખ્ય કાર્ય દેશને એક કરવાનું અને ન્યાય અપાવવાનું છે." આ આર્બિટ્રેશન હબ ન્યાયિક પ્રક્રિયામાં ઝડપ અને સુલભતા લાવી સામાન્ય નાગરિકો માટે આશીર્વાદરૂપ સાબિત થશે.
આ પણ વાંચો : આરોપીને સજાની સાથે ફરિયાદીને દંડ ફટકારતો Tharad કોર્ટનો ઐતિહાસિક ચુકાદો, જાણો સમગ્ર મામલો