Gujarat 2026: નવા વર્ષમાં કેટલાક વિસ્તારોમાં કમોસમી વરસાદ, ઠંડીનો પારો ગગડ્યો

ઠંડી સામે રક્ષણ માટે લોકોએ તાપણાનો સહારો લીધો

ઠંડી સામે રક્ષણ માટે લોકોએ તાપણાનો સહારો લીધો છે. ત્યારે અરવલ્લી જિલ્લામાં ઠંડીનો પારો ગગડ્યો છે. વહેલી સવારે ઠંડીનો પારો 14 ડિગ્રીએ પહોંચ્યો છે. ઠંડી-ધુમ્મસથી વાહનચાલકોની વિઝિબિલિટી ઘટી છે. કાતિલ ​ઠંડીથી ઘઉંના પાકને મોટો ફાયદો થશે. તથા ઠંડી વધતાં ​શિયાળુ પાકમાં ઉત્પાદન વધવાની આશા છે.

Gujarat 2026: બનાસકાંઠામાં વહેલી સવારે ધુમ્મસભર્યું વાતાવરણ

બનાસકાંઠામાં વહેલી સવારે ધુમ્મસભર્યું વાતાવરણ જોવા મળ્યું છે. ડીસા, દાંતીવાડા, પાલનપુરમાં ધુમ્મસભર્યું વાતાવરણ છે. તથા વાતાવરણના કારણે પાકમાં નુકસાન થવાની ભીતિ છે. બટાટા, એરંડા, જીરું, રાયડો, ઘઉં સહિતના પાકમાં નુકસાન થઇ શકે છે.

અમદાવાદના કેટલાક વિસ્તારોમાં હળવા છાંટા પડ્યા

ધુમ્મસભર્યા વાતાવરણને કારણે ખેડૂતો ચિંતામાં છે. એકતરફ માવઠાનો માર અને ધુમ્મસભર્યા વાતાવરણે ખેડૂતોની ચિંતા વધારી દિધી છે. આજે અમદાવાદ સહિત ઉત્તર ગુજરાત અને સૌરાષ્ટ્રના અનેક વિસ્તારોમાં સામાન્ય વરસાદી છાંટા પણ પડ્યા હતા. હવામાન વિભાગની આગાહી પ્રમાણે, ગુજરાતમાં આજથી એટલે નવા વર્ષની શરૂઆતથી તાપમાનના પારામાં બે દિવસ માટે બેથી ત્રણ સેલ્સિયસ ઘટાડો થઈ શકે છે. ત્યારબાદ ધીમે ધીમે સમગ્ર ગુજરાતમાં બેથી ત્રણ ડિગ્રી સેલ્સિયસ વધવાની શક્યતા છે. વરસાદની આગાહી જોઈએ તો, આજે વહેલી સવારે અમદાવાદના કેટલાક વિસ્તારોમાં હળવા છાંટા પડ્યા હતા.

આ પણ વાંચો: Gujarat: 2026ના પહેલા દિવસે રાજ્યમાં IAS-IPS અધિકારીઓને બઢતી, જાણો કોને મળ્યું પ્રમોશન