Gujarat Weather Update: અમદાવાદ સહિત રાજ્યમાં 7 દિવસ હળવાથી મધ્યમ વરસાદની આગાહી

Gujarat માં આગામી 7 દિવસ વરસાદનો દોર યથાવત

હવામાન નિષ્ણાત એ. કે. દસના જણાવ્યા મુજબ, આગામી 8 થી 23 ઓગસ્ટ દરમિયાન રાજ્યના અનેક વિસ્તારોમાં છૂટાછવાયાથી લઈને હળવાથી મધ્યમ વરસાદી ઝાપટાં વરસી શકે છે. હાલમાં રાજ્યમાં ભારે વરસાદ લાવે તેવી કોઈ મજબૂત હવામાની સિસ્ટમ સક્રિય નથી, પરંતુ સ્થાનિક પરિબળો અને ભેજવાળા પવનોના કારણે વરસાદી માહોલ બની રહ્યો છે.

દરિયો ન ખેડવા માછીમારોને અપીલ

હવામાન વિભાગની આગાહી અનુસાર, રાજ્યમાં દક્ષિણ-પશ્ચિમ દિશામાંથી 15 થી 25 કિમી પ્રતિ કલાકની ઝડપે પવન ફૂંકાઈ શકે છે. પવનની આ સ્થિતિને ધ્યાનમાં રાખીને માછીમારોને દરિયો ન ખેડવાની કડક અપીલ કરવામાં આવી છે. બીજી તરફ, આ વરસાદી માહોલ વચ્ચે તાપમાનમાં કોઈ મોટો કે ખાસ ફેરફાર થવાની શક્યતા નહિવત છે.

રાજ્યમાં અત્યાર સુધી સામાન્ય કરતા 16 ટકા વધુ વરસાદ નોંધાયો

નોંધનીય છે કે ચાલુ સિઝનમાં રાજ્યમાં અત્યાર સુધી સરેરાશ કરતા 16 ટકા વધુ વરસાદ નોંધાઈ ચૂક્યો છે, અને આગામી દિવસોમાં પણ ભારે વરસાદને બદલે હળવાથી મધ્યમ વરસાદનું જોર યથાવત રહેવાની સંભાવના છે.

આ પણ વાંચો: Rajkot news: રાજકોટમાં ગણેશ મહોત્સવને લઈ તંત્રની સખ્તી, POPની મૂર્તિઓ પર પ્રતિબંધ, જાણો વધુ