Gujarat BJP In-Charge Tarun Chugh in Gujarat: પ્રદેશ ભાજપના નવનિયુક્ત પ્રભારી તરીકે જવાબદારી સંભાળ્યા બાદ તરુણ ચૂગ પોતાના બે દિવસીય પ્રવાસ માટે પ્રથમવાર ગુજરાત આવી પહોંચ્યા છે. અમદાવાદ એરપોર્ટ પર પ્રદેશ ભાજપ દ્વારા તેમનું ભવ્ય અને ઉષ્માભર્યું સ્વાગત કરવામાં આવ્યું હતું.
Gujarat BJP In-Charge Tarun Chugh in Gujarat: પ્રદેશ ભાજપના નવનિયુક્ત પ્રભારી તરીકે જવાબદારી સંભાળ્યા બાદ તરુણ ચૂગ પોતાના બે દિવસીય પ્રવાસ માટે પ્રથમવાર ગુજરાત આવી પહોંચ્યા છે. અમદાવાદ એરપોર્ટ પર પ્રદેશ ભાજપ દ્વારા તેમનું ભવ્ય અને ઉષ્માભર્યું સ્વાગત કરવામાં આવ્યું હતું. આ સ્વાગત સમારોહમાં પ્રદેશ પ્રમુખ જગદીશભાઈ વિશ્વકર્મા, અમદાવાદ શહેરના મેયર, રાજ્ય સરકારના મંત્રીઓ, અમદાવાદ શહેરના તમામ ધારાસભ્યો તેમજ પ્રદેશ અને શહેર સંગઠનના અગ્રણી હોદ્દેદારો મોટી સંખ્યામાં ઉપસ્થિત રહ્યા હતા.
ગુજરાત ભાજપના પ્રભારી Tarun Chugh ગુજરાત પ્રવાસે
ગુજરાત પ્રવાસ દરમિયાન તરુણ ચૂગ ખૂબ જ વ્યસ્ત કાર્યક્રમમાં ભાગ લેવાના છે અને સવારે 11 વાગ્યાથી મેરેથોન બેઠકોનો દોર શરૂ થશે. તેઓ કુલ ત્રણ અલગ-અલગ મહત્વપૂર્ણ બેઠકોમાં હાજરી આપશે, જેમાંથી બે બેઠકો ગાંધીનગર ટાઉન હોલ ખાતે અને એક બેઠક પ્રદેશ કાર્યાલય 'કમલમ' ખાતે યોજાશે. આ બેઠકોમાં મુખ્યમંત્રી ભૂપેન્દ્રભાઈ પટેલ, નાયબ મુખ્યમંત્રી, પ્રદેશ પ્રમુખ જગદીશભાઈ વિશ્વકર્મા, મંત્રી હર્ષભાઈ સંઘવી સહિતના મંત્રીઓ, ધારાસભ્યો, સાંસદો અને પદાધિકારીઓ ખાસ ઉપસ્થિત રહેશે.
17 સપ્ટેમ્બરના સેવા સંકલ્પ અભિયાનની તૈયારી
આ બેઠકોનો મુખ્ય એજન્ડા આગામી કાર્યક્રમો અને સંગઠનાત્મક આયોજનોનો છે. ખાસ કરીને વડાપ્રધાન નરેન્દ્ર મોદીના ૨૫ વર્ષના સફળ રાજકીય કાર્યકાળ અને આગામી 17 સપ્ટેમ્બરે તેમના જન્મદિવસે યોજાનાર 'સેવા સંકલ્પ અભિયાન' તેમજ અન્ય વિશેષ કાર્યક્રમોની ભવ્ય ઉજવણી અંગે વિસ્તૃત ચર્ચા અને આયોજન કરવામાં આવશે. નવા પ્રભારીના આગમનથી ગુજરાત ભાજપમાં ભારે ઉત્સાહ જોવા મળી રહ્યો છે.
આ પણ વાંચો: Sanand Suicide Case: "મને માફ કરજો મમ્મી-પપ્પા..." સાણંદમાં ડિઝાઇનિંગનો અભ્યાસ કરતી 19 વર્ષીય યુવતીનો આપઘાત
