Gujarat Cold: ગુજરાતમાં ઠંડીએ રેકોર્ડ તોડ્યો છે. ત્યારે હવામાન વિભાગે ગુજરાતની ઠંડી અંગેની આગાહી સામે આવી છે. ગુજરાતમાં ઉત્તરપૂર્વથી પૂર્વ તરફના પવનો ફૂંકાઈ રહ્યા છે. આગામી 5 દિવસ એટલે 14મી જાન્યુઆરી સુધી લઘુત્તમ તાપમાનમાં કોઈ મોટો ફેરફાર નહીં થાય. 5 દિવસ ગુજરાતનું હવામાન શુષ્ક રહેવાની શક્યતા છે. હવામાન વિભાગે આપેલી માહિતી પ્રમાણે, ગુજરાતમાં સૌથી નીચું 9 ડિગ્રી લઘુત્તમ તાપમાન નલિયામાં નોંધાયું
- Gujarat Cold: હવામાન વિભાગે ગુજરાતની ઠંડી અંગે આગાહી કરી છે
- ગુજરાતમાં ઉત્તરપૂર્વથી પૂર્વ તરફના પવનો ફૂંકાઈ રહ્યા છે
- કેટલાક વર્ષોથી ત્રણેય ઋતુઓમાં મોટો ફેરફાર જોવા મળી રહ્યો છે
Gujarat Cold: ગુજરાતમાં ઠંડીએ રેકોર્ડ તોડ્યો છે. ત્યારે હવામાન વિભાગે ગુજરાતની ઠંડી અંગેની આગાહી સામે આવી છે. ગુજરાતમાં ઉત્તરપૂર્વથી પૂર્વ તરફના પવનો ફૂંકાઈ રહ્યા છે. આગામી 5 દિવસ એટલે 14મી જાન્યુઆરી સુધી લઘુત્તમ તાપમાનમાં કોઈ મોટો ફેરફાર નહીં થાય. 5 દિવસ ગુજરાતનું હવામાન શુષ્ક રહેવાની શક્યતા છે. હવામાન વિભાગે આપેલી માહિતી પ્રમાણે, ગુજરાતમાં સૌથી નીચું 9 ડિગ્રી લઘુત્તમ તાપમાન નલિયામાં નોંધાયું છે. આ સાથે અમદાવાદમાં 14.4 ડિગ્રી, અમરેલીમાં 11.6 ડિગ્રી, ભુજમાં 10, ગાંધીનગરમાં 13.4, સુરતમાં 15.8, રાજકોટમાં 10.1 ડિગ્રી લઘુત્તમ તાપમાન નોંધાયું છે.
કેટલાક વર્ષોથી ત્રણેય ઋતુઓમાં મોટો ફેરફાર જોવા મળી રહ્યો છે
ગુજરાતમાં છેલ્લા કેટલાક વર્ષોથી ત્રણેય ઋતુઓમાં મોટો ફેરફાર જોવા મળી રહ્યો છે. જ્યાં મોટા ભાગે ગુજરાતમાં ડિસેમ્બર મહિનામાં કાતિલ ઠંડીનો મારો શરૂ થઈ જતો હોય છે ત્યાં ગયા વર્ષની સરખામણીમાં આ વર્ષે ઠંડીના પ્રમાણમાં મોટો ઘટાડો જોવા મળ્યો છે. ડિસેમ્બર મહિનામાં ઠંડી કરતાં ગરમીનું જોર વધારે થયું હતું. જો વાત કરીએ વર્ષ 2024 અને 2025 ના ડિસેમ્બરની તો 2024ના વર્ષે ડિસેમ્બર મહિનાના અંત ભાગમાં નલિયામાં લઘુત્તમ તાપમાન 10 ડિગ્રીથી ઓછું કુલ 22 વાર નોંધાયું હતું જે વર્ષ 2025માં માત્ર 4 વાર જ પારો 10 ડિગ્રીથી ગગડ્યો હતો.
![]()
Gujarat Cold: વર્ષ 2024ના ડિસેમ્બરમાં નલિયામાં તાપમાન 4.2 સુધી ગયું હતું
વર્ષ 2024ના ડિસેમ્બરમાં નલિયામાં તાપમાન 4.2 સુધી ગયું હતું જે આ વખતે હજુ સુધી સૌથી નીચું તાપમાન 8.8 ડિગ્રી નોંધાયું છે. વાત કરીએ અમદાવાદની તો ડિસેમ્બર 2024 માં અમદાવાદમાં 10-15 દિવસોમાં તાપમાન 14 ડિગ્રીથી નીચે નોંધાયું હતું. જ્યારે આ વર્ષે માત્ર 4 જ દિવસ અમદાવાદનું તાપમાન 14 ડિગ્રીથી નીચે ગયું છે. આ વર્ષે ડિસેમ્બર મહિનામાં અમદાવાદમાં સૌથી ઓછું તાપમાન નોંધાયું હતું.
દક્ષિણ ભારતમાં તમિલનાડુમાં ભારે વરસાદની ચેતવણી અપાઇ
હવામાન વિભાગે આપેલી માહિતી પ્રમાણે, સૌરાષ્ટ્ર-કચ્છ સહિત ગુજરાતમાં અને દીવ, દમણ અને દાદરા નગર હવેલીમાં લઘુત્તમ તાપમાનમાં કોઈ મોટો ફેરફાર નહીં થાય. સૌરાષ્ટ્રના કેટલાક ભાગોમાં લઘુત્તમ તાપમાન સામાન્યથી નીચે રહ્યું હતું; બાકીના પ્રદેશમાં સામાન્ય રહ્યું હતું. ત્યારે રાજધાની દિલ્હી સહિત NCRના ઘણા વિસ્તારોમાં વરસાદ છે. તથા કેટલાક વિસ્તારમાં વરસાદના કારણે ઠંડીમાં વધારો થયો છે. દિલ્હીમાં ઠંડી, ધુમ્મસ અને શીત લહેરના ત્રિપલ એટેક થયો છે. છેલ્લા કેટલાક દિવસોથી પંજાબ સહિત અનેક સ્થળોએ તીવ્ર ઠંડી છે. દક્ષિણ ભારતમાં તમિલનાડુમાં ભારે વરસાદની ચેતવણી અપાઇ છે.
આ પણ વાંચો: Gujarat News : આજે 9 જાન્યુઆરી 2026 ના દિવસે શું થશે ગુજરાતમાં?
