Gujarat Cold: રાજ્યમાં કડકડતી ઠંડી સહન કરવા તૈયાર રહેજો, જાણો કેટલા દિવસ

• Gujarat Cold: રાજ્યમાં આવતીકાલથી ઠંડીનો વધુ એક રાઉન્ડ શરૂ થશે
• અમદાવાદ, ગાંધીનગર સહિત 13 ડિગ્રી નીચું તાપમાન રહેશે
• રાજ્યભરમાં 15 થી 20 ડીગ્રી પ્રતિકલાકની ઝડપે પવન ફૂંકાશે

Gujarat Cold: ગુજરાત રાજ્યમાં કડકડતી ઠંડી સહન કરવા તૈયાર રહેજો. જેમાં આવતીકાલથી ઠંડીનો વધુ એક રાઉન્ડ શરૂ થશે. તેમાં રાજ્યના હવામાન વિભાગનું અનુમાન છે કે 6 જાન્યુઆરીથી 12 જાન્યુઆરી સુધી લઘુતમ તાપમાન વધઘટ રહેશે. તેમજ અમદાવાદ, ગાંધીનગર સહિત 13 ડિગ્રી નીચું તાપમાન રહેશે. સાથે જ રાજ્યભરમાં 15 થી 20 ડીગ્રી પ્રતિકલાકની ઝડપે પવન ફૂંકાશે. તથા પવનની ગતિમાં વધારો રહેશે તેથી ઠંડીનો અહેસાસ થશે. ઉત્તર પૂર્વના પવનો ફૂંકાતા ઠંડીનો ચમકારો વધશે.

12મી જાન્યુઆરી સુધી હવામાન શુષ્ક રહેવાની આગાહી

હવામાન વિભાગના અમદાવાદ કેન્દ્રના ડાયરેક્ટર, એ.કે. દાસે ગુજરાતના હવામાન અંગેની આગાહી આપી છે. જેમાં તેમણે જણાવ્યું છે કે, ગુજરાતમાં હાલ ઉત્તરપૂર્વથી પૂર્વ તરફના પવનો ફૂંકાઈ રહ્યા છે.

Mt. Abu | આબુમાં ઠંડીનો કહેર!
તાપમાન માઈનસ 3 ડિગ્રી..| Gujarat First

રાજસ્થાનના પર્યટન સ્થળ માઉન્ટ આબુમાં ઠંડીનો પ્રકોપ
માઉન્ટ આબુમાં તાપમાનનો પારો માઈનસ 3 ડિગ્રી
માઉન્ટ આબુનું પોલો ગ્રાઉન્ડ બરફની ચાદરમાં ફેરવાયું
સૂસવાટાભર્યા પવન સાથે માઉન્ટ આબુમાં કડકડતી ઠંડી
ઠંડીથી બચવા લોકો… pic.twitter.com/TNNBOvzxHg

— Gujarat First (@GujaratFirst) January 6, 2026

ગુજરાતમાં ઠંડા અને સૂકા પવનો ફૂંકાવાને કારણે ઠંડીનો અનુભવ થઈ રહ્યો છે. ગુજરાતમાં આગામી સાત દિવસ એટલે કે 12મી જાન્યુઆરી સુધી હવામાન શુષ્ક રહેવાની આગાહી છે. તે સાથે ઠંડીનું પ્રમાણ વધી શકે છે.

Gujarat Cold: ભારતીય હવામાન વિભાગની જાણો આગાહી

ભારતીય હવામાન વિભાગે જણાવ્યું છે કે, પંજાબ, હરિયાણા અને ચંદીગઢમાં 6થી 9 જાન્યુઆરી, પશ્ચિમ રાજસ્થાનમાં 8થી 10 જાન્યુઆરી, પૂર્વી રાજસ્થાનમાં 6થી 10 જાન્યુઆરી, છત્તીસગઢમાં 6થી 8 જાન્યુઆરી અને ઝારખંડમાં 6થી 7 જાન્યુઆરી દરમિયાન શીત લહેર આવવાની શક્યતા છે. વધુમાં, આજે 6 જાન્યુઆરીએ મધ્યપ્રદેશ, બિહાર અને ગંગા પશ્ચિમ બંગાળમાં ઠંડીની સ્થિતિ વિકસી શકે છે.

આ પણ વાંચો: BombThreats: ગુજરાતના 5 શહેરોમાં બોમ્બથી ઉડાવવાની ધમકી મળી, પોલીસ તપાસ શરૂ