પવન 45 થી 55 કિલોમીટર પ્રતિ કલાકે ફૂંકાવાની શક્યતા
પવન 45 થી 55 કિલોમીટર પ્રતિ કલાકે ફૂંકાવાની શક્યતા છે. આજે અમદાવાદનું તાપમાન 14 ડિગ્રી નોંધાયું છે. તેમજ નલિયા 7 ડિગ્રી તાપમાન સાથે ઠંડુ શહેર રહ્યું છે. જોકે આગામી ત્રણ દિવસ બાદ બેથી ત્રણ ડીગ્રી તાપમાન ઘટવાની શક્યતા છે.
![cold wave in gujarat]()
Gujarat Cold: 17થી 20 કિમી પ્રતિ કલાકની ઝડપે પવન ફૂંકાઈ રહ્યો છે
ગુજરાત રાજ્યમાં હાલમાં 17થી 20 કિમી પ્રતિ કલાકની ઝડપે પવન ફૂંકાઈ રહ્યો છે, જ્યારે કેટલાક વિસ્તારોમાં પવનની ગતિ 25થી 30 કિમી પ્રતિ કલાક સુધી પહોંચી છે. છેલ્લા એક અઠવાડિયાથી પવનની ઝડપ વધારે છે અને આવતીકાલે પણ આ સ્થિતિ યથાવત રહેશે. જોકે 30 જાન્યુઆરી બાદ પવનની ગતિ ધીમે-ધીમે ઘટશે અને 11થી 16 કિમી પ્રતિ કલાકની આસપાસ રહી શકે છે.
રાજ્યમાં બે દિવસ પહેલાં ઝાકળનો રાઉન્ડ પૂર્ણ થઈ ગયો
રાજ્યમાં બે દિવસ પહેલાં ઝાકળનો રાઉન્ડ પૂર્ણ થઈ ગયો છે, જેના કારણે હાલ કેટલાક વિસ્તારોમાં વહેલી સવારે ધુમ્મસ જોવા મળી રહ્યું છે. આગામી બે દિવસ સુધી ઝાકળ પડવાની કોઈ શક્યતા દેખાતી નથી. તેમજ 31 જાન્યુઆરી 2026થી ઝાકળનો નવો રાઉન્ડ શરૂ થવાની આગાહી છે, જે 3થી 4 દિવસ સુધી રહી શકે છે.
![]()
30 જાન્યુઆરી સુધી ઠંડી યથાવત રહેવાની સંભાવના
ખાસ કરીને પશ્ચિમ સૌરાષ્ટ્ર, કચ્છ અને ઉત્તર ગુજરાતમાં ઝાકળનું પ્રમાણ વધારે રહી શકે છે. જાન્યુઆરી મહિનામાં રાજ્યમાં ઠંડીનો સારો એવો રાઉન્ડ જોવા મળ્યો છે અને 30 જાન્યુઆરી સુધી ઠંડી યથાવત રહેવાની સંભાવના છે. તેમજ 31 જાન્યુઆરીથી તાપમાનમાં આશરે 2 ડિગ્રીનો વધારો થવાથી ઠંડીમાં થોડી રાહત મળશે.
આ પણ વાંચો: Ahmedabad ક્રાઈમ બ્રાંચ અને ગુજરાત ATS એ આંતરરાજ્ય બાળ તસ્કરી રેકેટનો કર્યો પર્દાફાશ
