Ahmedabad: ACBએ બે ટેક્સ અધિકારીઓને લાંચ લેતા ઝડપ્યા, બેંક ખાતા અનફ્રીઝ કરવા માંગ્યા હતા પૈસા

શું હતો સમગ્ર મા્રમલો?

પ્રાપ્ત વિગતો અનુસાર, ફરિયાદીના વેપાર કે વ્યવસાય સંબંધિત બાબતોમાં ટેક્સ સમયસર ન ભરાયા હોવાના કારણે તેમનું બેંક એકાઉન્ટ ફ્રીઝ કરી દેવામાં આવ્યું હતું. આ બેંક ખાતાને ફરીથી ચાલુ કરવા અને અનફ્રીઝ કરવા માટે અમદાવાદની ઘટક-6 (Ghatak 6 Office) કચેરીમાં ફરજ બજાવતા અધિકારીઓ દ્વારા ફરિયાદી પાસે ગેરકાયદે રીતે નાણાંની માંગણી કરવામાં આવી હતી. બંને ભ્રષ્ટ અધિકારીઓએ આ કામના બદલામાં કુલ 25,000 રૂપિયાની લાંચ પેટે રકમ માગી હતી.

ACBના છટકામાં રંગેહાથ પકડાયા આરોપીઓ

ફરિયાદી આ લાંચ રકમ આપવા માંગતા ન હોવાથી તેમણે તુરંત જ એન્ટી કરપ્શન બ્યુરો (Ahmedabad ACB) નો સંપર્ક કરી સમગ્ર મામલે ફરિયાદ નોંધાવી હતી. ફરિયાદના આધારે એસીબીના ઉચ્ચ અધિકારીઓના માર્ગદર્શન હેઠળ એક સફળ છટકું (ACB Trap) ગોઠવવામાં આવ્યું હતું. આ દરમિયાન સ્ટેટ ટેક્સ ઓફિસર (State Tax Officer) કમલેશકુમાર ઠાકોર અને કર નિરીક્ષક (Tax Inspector) મોહમંદ અઝીઝ કાદરખાન મન્સુરી ફરિયાદી પાસેથી 25,000 રૂપિયાની લાંચ સ્વીકારતા રંગેહાથ ઝડપાઈ ગયા હતા.

Ahmedabad: આરોપી અધિકારીઓની અટકાયત

એસીબીની ટીમે બંને આરોપી અધિકારીઓની અટકાયત કરી કાયદેસરની કડક કાર્યવાહી હાથ ધરી છે. સરકારી કચેરીઓમાં પ્રવર્તતી લાંચ-રૂશ્વતની પ્રવૃત્તિઓ સામે એસીબીની આ કડક કાર્યવાહીથી ભ્રષ્ટ કર્મચારીઓમાં ભારે ફફડાટ વ્યાપી ગયો છે.

આ પણ વાંચો: Vadodara માં ટેબલ ટેનિસ ટુર્નામેન્ટ યોજાઈ, DyCM એ ખેલાડીઓને મેડલ કર્યા એનાયત