Ahmedabad: એરપોર્ટ નજીક 600 ગ્રામ સોનાની લૂંટનો ભેદ ઉકેલાયો, પોલીસ કર્મી જ સામેલ હોવાનું સામે આવ્યું

ચકચારી ચોરીનો ઉકેલાયો ભેદ

આ ચકચારી મામલે અમદાવાદ પોલીસ (Ahmedabad Police) દ્વારા ઊંડાણપૂર્વક તપાસ હાથ ધરવામાં આવી હતી, જેમાં ચોંકાવનારી વિગતો બહાર આવી છે. તપાસ દરમિયાન આ લૂંટના ગુનામાં ખુદ પોલીસ કર્મચારીઓની (Police Personnel Involvement) સંડોવણી હોવાનું પૂરવાર થયું છે. પોલીસે અત્યાર સુધીમાં એક પોલીસ કર્મચારી સહિત ત્રણ આરોપીઓની ધરપકડ (Arrest) કરી લીધી છે. પકડાયેલા આરોપીઓમાં ડાંગ પોલીસમાં ફરજ બજાવતા કૃપારાવ જહોનબાબુ દેવૈયા (Kruparav Devaiya), તેમજ અન્ય આરોપીઓ બેન પારૂલ ઉર્ફે રુપાલી અને નટવરભાઇ ભોજાભાઇ પરમારનો સમાવેશ થાય છે.

Ahmedabad:  અન્ય આરોપીઓને પકડવા કવાયત

આ સમગ્ર ઘટના ગત 27 જૂન 2026ના રોજ સવારના સુમારે બની હતી. પ્રાથમિક તપાસમાં બહાર આવ્યું છે કે આ ગુનામાં અન્ય પોલીસકર્મીઓ પણ સામેલ છે. મહીપાલસિંહ દીલીપસિંહ રાઠોડ અને મુકેશકુમાર શ્યામરાવ કુંવર નામના પોલીસકર્મીઓ તેમજ મુખ્તીયાર અહેમદ મોહમંદભાઇ તલાટ નામનો શખ્સ હાલ ફરાર (Absconding) ચાલી રહ્યા છે. પોલીસ દ્વારા આ તમામ ફરાર આરોપીઓને ઝડપી પાડવા માટે વિશેષ ટીમો બનાવીને સઘન શોધખોળ હાથ ધરવામાં આવી છે. રક્ષક જ જ્યારે ભક્ષક બને ત્યારે સુરક્ષા વ્યવસ્થા પર ઉઠતા સવાલો વચ્ચે પોલીસે કડક કાર્યવાહીની ખાતરી આપી છે.

આ પણ વાંચો: Gandhinagar History: સાબરમતીના કાંઠે વસેલા ગાંધીનગરના નિર્માણની રોચક ગાથા અને ઇતિહાસ