Ahmedabad: બહેરામપુરામાં નકલી કોસ્મેટિક વસ્તુઓ ઝડપાઈ, નામાંકિત કંપનીના ટ્રેડમાર્કનો દુરુપયોગ કરાયો
અમદાવાદના બહેરામપુરા વિસ્તારમાં સામે આવેલા નકલી કોસ્મેટિક્સના કારોબારે બજારમાં ભારે ચર્ચા જગાવી છે. નામાંકિત બ્રાન્ડના નામે ગ્રાહકોને છેતરવાના આ મોટા ખેલનો પર્દાફાશ કરી પોલીસે લાખોની કિંમતનો શંકાસ્પદ માલ જપ્ત કર્યો છે. આ ગેરકાયદેસર ધંધા પાછળ અન્ય કયા મોટા માથાઓ સંડોવાયેલા છે અને આ નેટવર્ક ક્યાં સુધી ફેલાયેલું છે તે અંગેના ચોંકાવનારા ખુલાસા થવાની શક્યતાઓ સેવાઈ રહી છે.
Advertisement
Ahmedabad Fake Cosmetics: અમદાવાદ (Ahmedabad) શહેરના બહેરામપુરા (Behrampura) વિસ્તારમાંથી નકલી કોસ્મેટિક (Fake Cosmetics) વસ્તુઓનું મોટું કૌભાંડ સામે આવ્યું છે. બજારમાં નામાંકિત કંપનીઓના નામે વેચાતી હલકી ગુણવત્તાની પ્રોડક્ટ્સ ગ્રાહકોના સ્વાસ્થ્ય સાથે ચેડાં કરી રહી હતી, જેની બાતમી મળતા જ પોલીસે તાત્કાલિક ધોરણે દરોડા પાડ્યા હતા. આ દરોડા દરમિયાન મોટા પ્રમાણમાં ડુપ્લીકેટ સાબુ અને ફેસવોશનો જથ્થો મળી આવતા પોલીસ પણ ચોંકી ઉઠી હતી.